|
28.5.2018 |
MT |
Il-Ġurnal Uffiċjali tal-Unjoni Ewropea |
C 182/26 |
Rikors ippreżentat fis-16 ta’ Marzu 2018 – Chrysses Demetriades & Co. u Provident Fund of the Employees of Chrysses Demetriades & Co vs Il-Kunsill et
(Kawża T-198/18)
(2018/C 182/30)
Lingwa tal-kawża: l-Ingliż
Partijiet
Rikorrenti: Chrysses Demetriades & Co. LLC (Limassol, Ċipru), Provident Fund of the Employees of Chrysses Demetriades & Co LLC (Limassol) (rappreżentant: P. Tridimas, Barrister)
Konvenuti: Il-Kunsill tal-Unjoni Ewropea, Il-Kummissjoni Ewropea, Il-Bank Ċentrali Ewropew, il-Grupp tal-Euro u L-Unjoni Ewropea
Talbiet
Ir-rikorrenti jitolbu li l-Qorti Ġenerali jogħġobha:
|
— |
tordna lill-konvenuti jħallsu l-ammonti msemmija fl-iskeda annessa mar-rikors flimkien mal-interessi mis-26 ta’ Marzu 2013 sas-sentenza tal-Qorti tal-Ġustizzja; |
|
— |
tikkundanna lill-konvenuti għall-ispejjeż. |
Alternattivament, u sussidjarjament, ir-rikorrenti jitolbu li l-Qorti Ġenerali jogħġobha:
|
— |
tiddeċiedi li l-Unjoni Ewropea u/jew l-istituzzjonijiet konvenuti għandhom responsabbiltà mhux kuntrattwali; |
|
— |
tiddetermina l-proċedura li għandha tiġi segwita bil-għan li jiġi stabbilit it-telf effettivament rekuperabbli tar-rikorrenti; u |
|
— |
tikkundanna lill-konvenuti għall-ispejjeż. |
Motivi u argumenti prinċipali
Insostenn tar-rikors tagħhom, ir-rikorrenti jinvokaw erba’ motivi li huma essenzjalment identiċi jew simili għal dawk invokati fil-Kawża T-197/18, JV Voscf et vs Il-Kunsill et.