9.4.2018 |
MT |
Il-Ġurnal Uffiċjali tal-Unjoni Ewropea |
C 123/11 |
Talba għal deċiżjoni preliminari mressqa mit-Tribunalul Mureş (ir-Rumanija) fid-9 ta’ Jannar 2018 – Proċeduri kriminali kontra Virgil Mailat, Delia Elena Mailat u Apcom Select SA
(Kawża C-17/18)
(2018/C 123/16)
Lingwa tal-kawża: ir-Rumen
Qorti tar-rinviju
Tribunalul Mureş
Partijiet fil-kawża prinċipali
Rikorrenti: Virgil Mailat, Delia Elena Mailat, Apcom Select SA
Domandi preliminari
1) |
Il-konklużjoni ta’ ftehim li permezz tiegħu kumpannija tikri bini lil kumpannija oħra li fih kienu jitwettqu attivitajiet speċifiċi ta’ għoti ta’ alimentazzjoni lill-pubbliku f’ristorant, flimkien mat-tagħmir u mal-beni tal-inventarju kollha, u l-kumpannija kerrejja tkompli twettaq l-istess attivitajiet ta’ għoti ta’ alimentazzjoni lill-pubbliku f’ristorant bl-istess isem bħal dak użat preċedentement, tikkostitwixxi trasferiment ta’ attività fis-sens tal-Artikolu 19 u tal-Artikolu 29 tad-Direttiva 2006/112/KE (1)? |
2) |
Fil-każ ta’ risposta fin-negattiv għall-ewwel domanda, l-operazzjoni deskritta tirrappreżenta provvista ta’ servizzi li tista’ titqies bħala kiri ta’ proprjetà immobbli fis-sens tal-Artikolu 135(1)(l) tad-Direttiva tal-VAT jew bħala provvista ta’ servizzi kumplessi li ma tistax titqies bħala kiri ta’ proprjetà immobbli u li hija taxxabbli skont il-liġi? |