22.5.2017 |
MT |
Il-Ġurnal Uffiċjali tal-Unjoni Ewropea |
C 161/30 |
Rikors ippreżentat fl-20 ta’ Marzu 2017 – RW vs Il-Kummissjoni
(Kawża T-170/17)
(2017/C 161/43)
Lingwa tal-kawża: il-Franċiż
Partijiet
Rikorrent: RW (rappreżentanti: S. Orlandi u T. Martin, avukati)
Konvenuta: Il-Kummissjoni Ewropea
Talbiet
Tiddeċiedi u tiddikjara li:
— |
id-deċiżjoni tat-2 ta’ Marzu 2017 li permezz tagħha r-rikorrent ġie rtirat b’mod mhux volontarju b’effett mill-1 ta’ Ġunju 2017, hija annullata; |
— |
il-Kummissjoni Ewropea hija kkundannata għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrent jinvoka tliet motivi.
1. |
L-ewwel motiv huwa bbażat fuq ksur manifest tal-Artikoli 47 u 52 tar-Regolamenti tal-Persunal, sa fejn ir-rikorrent ma kienx għadu laħaq l-età tal-irtirar b’mod mhux volontarju fil-mument tal-adozzjoni tad-deċiżjoni kkontestata. |
2. |
It-tieni motiv huwa bbażat fuq interpretazzjoni żbaljata tal-kamp ta’ applikazzjoni tal-Artikolu 42ċ tar-Regolamenti tal-Persunal, sa fejn il-konvenuta qieset li din id-dispożizzjoni kienet applikabbli għall-uffiċjali li, minkejja li jkunu laħqu l-età tal-irtirar (jiġifieri li jkunu jistgħu jitolbu li jirtiraw mingħajr tnaqqis tad-drittijiet tal-pensjoni tagħhom), madankollu ma jkunux l-età li fiha l-Awtorità tal-Ħatra tkun obbligata li tirtirhom (b’mod mhux volontarju). |
3. |
It-tielet motiv huwa bbażat fuq ksur tal-obbligu ta’ motivazzjoni sa fejn il-konvenuta ma pprovdiet l-ebda indikazzjoni suffiċjenti li tippermetti lir-rikorrent jew lill-Qorti Ġenerali sabiex tistħarreġ il-fondatezza tad-dikjarazzjoni li hija wettqet analiżi approfondit tal-ħtiġijiet tad-dipartimenti l-oħra tal-Kummissjoni, li skontu hija waslet għall-konklużjoni li ma setgħetx tiġi prevista l-okkupazzjoni mir-rikorrenti ta’ post ġdid f’wieħed mid-dipartimenti tagħha li jikkorrispondi mal-kompetenzi attwali tar-rikorrent. |