3.4.2017 |
MT |
Il-Ġurnal Uffiċjali tal-Unjoni Ewropea |
C 104/49 |
Rikors ippreżentat fis-16 ta’ Jannar 2017 – Il-Portugall vs Il-Kummissjoni
(Kawża T-22/17)
(2017/C 104/69)
Lingwa tal-kawża: il-Portugiż
Partijiet
Rikorrenti: Ir-Repubblika Portugiża (rappreżentanti: L. Inez Fernandes, M. Figueiredo, P. Estêvão u J. Saraiva de Almeida, aġenti)
Konvenuta: Il-Kummissjoni Ewropea
Talbiet
— |
tannulla d-Deċiżjoni ta’ Implimentazzjoni (UE) 2016/2018 tal-Kummissjoni Ewropea (KE), tal-15 ta’ Novembru 2016 (ĠU 2016, L 312, p. 26), li teskludi mill-finanzjament infiq speċifiku mwettaq mill-Istati Membri taħt il-Fond Agrikolu Ewropew ta’ Garanzija (FAEG) u taħt il-Fond Agrikolu Ewropew għall-Iżvilupp Rurali (FAEŻR), fil-parti fejn eskludiet mill-finanzjament l-ammont ta’ EUR 1 990 810,30 relatat ma’ nefqa ddikjarata mill-Portugal taħt il-Miżura “Żvilupp rurali li jaqa’ taħt l-investiment tal-FAEŻR – benefiċjarji privati” fil-kontijiet għas-snin 2010, 2011, 2012, 2013 u 2014; |
— |
tikkundanna lill-Kummissjoni Ewropea għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka żewġ motivi.
1. |
L-ewwel motiv ibbażat fuq ksur tal-Artikolu 31(4)(c) tar-Regolament tal-Kunsill (KE) Nru 1290/2005, tal-21 ta’ Ġunju 2005, dwar il-finanzjament tal-Politika Agrikola Komuni (ĠU 2005, L 209, p. 1). |
2. |
It-tieni motiv ibbażat fuq nuqqas ta’ motivazzjoni. Dan il-motiv huwa maqsum fi tliet argumenti.
|