|
15.4.2019 |
MT |
Il-Ġurnal Uffiċjali tal-Unjoni Ewropea |
C 139/17 |
Sentenza tal-Qorti tal-Ġustizzja (L-Ewwel Awla) tas-27 ta’ Frar 2019 — Ir-Repubblika Ellenika vs Il-Kummissjoni Ewropea
(Kawża C-670/17 P) (1)
(Appell - Fond Agrikolu Ewropew ta’ Gwida u Garanzija (FAEGG) - Taqsima “Gwida” - Tnaqqis tal-għajnuna finanzjarja - Regolament (KE) Nru 1260/1999 - Programm Operattiv - Korrezzjonijiet finanzjarji - Artikolu 39 - Bażi legali - Dispożizzjonijiet tranżitorji)
(2019/C 139/15)
Lingwa tal-kawża: il-Grieg
Partijiet
Appellanti: Ir-Repubblika Ellenika (rappreżentanti: G. Kanellopoulos, A. Vasilopoulou u I. Pachi, aġenti)
Parti oħra fil-proċedura: Il-Kummissjni Ewropea (rappreżentanti: D. Triantafyllou u J. Aquilina, aġenti)
Dispożittiv
|
1) |
Is-sentenza tal-Qorti Ġenerali tal-Unjoni Ewropea tad-19 ta’ Settembru 2017, Il-Greċja vs Il-Kummissjoni (T-327/15, mhux ippubblikata, EU:T:2017:631), hija annullata. |
|
2) |
Id-Deċiżjoni ta’ Implementazzjoni tal-Kummissjoni C(2015) 1936 finali tal-25 ta’ Marzu 2015 dwar l-applikazzjoni ta’ korrezzjonijiet finanzjarji fl-għajnuna tal-FAEGG, Taqsima “Gwida”, mogħtija fil-programm operattiv CCI 2000GR061PO021 (Greċja — Objettiv 1 — Rikostruzzjoni rurali), hija annullata. |
|
3) |
Il-Kummissjoni Ewropea hija kkundannata tħallas, minbarra l-ispejjeż tagħha, l-ispejjeż tar-Repubblika Ellenika, relatati kemm mal-proċedura fl-ewwel istanza kif ukoll fil-kuntest tal-appell. |