Kawża C-110/17: Sentenza tal-Qorti tal-Ġustizzja (Is-Sitt Awla) tat-12 ta’ April 2018 – Il-Kummissjoni Ewropea vs Ir-Renju tal-Belġju (Nuqqas ta’ Stat li jwettaq obbligu — Moviment liberu tal-kapital — Artikolu 63 TFUE — Artikolu 40 tal-Ftehim ŻEE — Taxxa fuq id-dħul tar-residenti Belġjani — Determinazzjoni tad-dħul minn immobbli — Applikazzjoni ta’ żewġ metodi ta’ kalkolu differenti skont il-post fejn tinsab il-proprjetà immobbli — Kalkolu skont il-valur katastali għall-immobbli li jinsabu fil-Belġju — Kalkolu bbażat fuq il-valur lokattiv reali għall-immobbli li jinsabu fi Stat Membru ieħor tal-Unjoni Ewropea jew taż-Żona Ekonomika Ewropea (ŻEE) — Differenza fit-trattament — Restrizzjoni għall-moviment liberu tal-kapital)
Sentenza tal-Qorti tal-Ġustizzja (Is-Sitt Awla) tat-12 ta’ April 2018 – Il-Kummissjoni Ewropea vs Ir-Renju tal-Belġju
(Kawża C-110/17) ( 1 )
“(Nuqqas ta’ Stat li jwettaq obbligu — Moviment liberu tal-kapital — Artikolu 63 TFUE — Artikolu 40 tal-Ftehim ŻEE — Taxxa fuq id-dħul tar-residenti Belġjani — Determinazzjoni tad-dħul minn immobbli — Applikazzjoni ta’ żewġ metodi ta’ kalkolu differenti skont il-post fejn tinsab il-proprjetà immobbli — Kalkolu skont il-valur katastali għall-immobbli li jinsabu fil-Belġju — Kalkolu bbażat fuq il-valur lokattiv reali għall-immobbli li jinsabu fi Stat Membru ieħor tal-Unjoni Ewropea jew taż-Żona Ekonomika Ewropea (ŻEE) — Differenza fit-trattament — Restrizzjoni għall-moviment liberu tal-kapital)”
2018/C 200/19Lingwa tal-kawża: il-FranċiżPartijiet
Rikorrenti: Il-Kummissjoni Ewropea (rappreżentanti: W. Roels u N. Gossement, aġenti)
Konvenut: Ir-Renju tal-Belġju (rappreżentanti: P. Cottin, M. Jacobs u L. Cornelis, aġenti)
Dispożittiv
|
1) |
Billi żamm dispożizzjonijiet li jipprovdu, fil-qasam ta’ stima tad-dħul relatat mal-immobbli mhux mikrija, jew mikrija, kemm lil persuni fiżiċi li ma jagħmlux użu professjonali minnhom, kemm lil persuni ġuridiċi li jqegħduhom għad-dispożizzjoni ta’ persuni fiżiċi għal skopijiet privati, il-bażi taxxabbli hija kkalkolata skont il-valur katastali f’dak li jikkonċerna l-beni li jinsabu fit-territorju nazzjonali u fuq il-valur lokattiv reali fir-rigward tal-immobbli li jinsabu barra mill-pajjiż, ir-Renju tal-Belġju naqas milli jwettaq l-obbligi tiegħu taħt l-Artikolu 63 TFUE u taħt l-Artikolu 40 tal-Ftehim dwar iż-Żona Ekonomika Ewropea, tat-2 ta’ Mejju 1992. |
|
2) |
Ir-Renju tal-Belġju huwa kkundannat għall-ispejjeż. |
( 1 ) ĠU C 121, 18.4.2017.