3.4.2017   

MT

Il-Ġurnal Uffiċjali tal-Unjoni Ewropea

C 104/48

Rikors ippreżentat fit-8 ta’ Diċembru 2016 – Spliethoff’s Bevrachtingskantoor vs INEA

(Kawża T-871/16)

(2017/C 104/68)

Lingwa tal-kawża: l-Ingliż

Partijiet

Rikorrenti: Spliethoff’s Bevrachtingskantoor BV (Amsterdam, il-Pajjiżi l-Baxxi) (rappreżentant: Y. de Vries, avukat)

Konvenuta: Innovation and Networks Executive Agency (INEA)

Talbiet

—

tannulla d-deċiżjoni tal-konvenuta tas-17 ta’ Lulju 2015 dwar iċ-ċaħda tal-proposta tar-rikorrenti b’risposta għal sejħa għal proposti b’rabta mal-Faċilità Nikkollegaw l-Ewropa u abbażi tal-programm ta’ ħidma pluriennali adottat fl-2014;

—

tordna lill-konvenuta tadotta deċiżjoni ġdida fir-rigward tal-proposta tar-rikorrenti, b’teħid inkunsiderazzjoni tas-sentenza tal-Qorti Ġenerali msemmija fir-rikors, fi żmien tliet xhur mid-data tas-sentenza;

—

tikkundanna lill-konvenuta għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka żewġ motivi.

1.

L-ewwel motiv ibbażat fuq żball manifest ta’ evalwazzjoni tal-proposta tar-rikorrenti.

—

Ir-rikorrenti tesponi r-raġunijiet li għalihom hija tqis li l-evalwazzjoni mill-konvenuta tal-proposta tar-rikorrenti fid-dawl tat-tliet kriterji ta’ għoti ta’ relevanza, ta’ effett u ta’ kwalità hija insuffiċjenti.

2.

It-tieni motiv ibbażat fuq ksur tal-prinċipju ta’ ugwaljanza fit-trattament.

—

Ir-rikorrenti tesponi r-raġunijiet li għalihom hija tqis li l-konvenuta għamlet distinzjoni mhux xierqa bejn il-proposta tagħha relatata mat-teknoloġiji ta’ tnaqqis ta’ emmissjonijiet u proposti simili tal-kompetituri tagħha li ntgħażlu għall-finanzjament.