20.2.2017 |
MT |
Il-Ġurnal Uffiċjali tal-Unjoni Ewropea |
C 53/29 |
Rikors ippreżentat fis-7 ta’ Novembru 2016 – Salehi vs Il-Kummissjoni
(Kawża T-773/16)
(2017/C 053/36)
Lingwa tal-kawża: il-Ġermaniż
Partijiet
Rikorrent: Dominik Salehi (Bremen, il-Ġermanja) (rappreżentant: C. Drews, avukat)
Konvenuta: Il-Kummissjoni Ewropea
Talbiet
— |
tiddikjara li l-konvenuta kisret l-Artikolu 1(4) tar-Regolament (KE) Nru 539/2001 [emendat bir-Regolament (UE) Nru 1289/2013], billi, b’nuqqas ta’ riferiment għall-ittri tar-rikorrent tal-1 ta’ Lulju 2016 u tas-16 ta’ Settembru 2016, ma adottatx il-miżuri previsti fl-imsemmija dispożizzjoni u ma bagħtitx komunikazzjoni lir-rikorrent; |
— |
tikkundanna lill-konvenuta għall-ispejjeż tal-proċeduri. |
Motivi u argumenti prinċipali
Insostenn tar-rikors tiegħu, ir-rikorrent jinvoka żewġ motivi.
1. |
L-ewwel motiv: ksur tal-prinċipju ta’ reċiproċità minħabba applikazzjoni stretta tal-Visa Waiver Program Improvement and Terrorist Travel Prevention Act of 2015. |
2. |
It-tieni motiv: inazzjoni min-naħa tal-konvenuta |
Ir-rikorrent isostni li l-Kummissjoni ma adottat ebda miżura skont l-Artikolu 1(4)(e)(i) tar-Regolament tal-Kunsill (KE) Nru 539/2001, tal-15 ta’ Marzu 2001, li jelenka l-pajjiżi terzi li ċ-ċittadini tagħ[h]om għandhom ikollhom viża fil-pussess tagħhom meta jaqsmu l-fruntieri esterni u dawk iċ-ċittadini li huma eżentati minn dik il-ħtieġa (ĠU Edizzjoni Speċjali bil-Malti, Kapitolu 19, Vol. 4, p. 65).