24.10.2016

Il-Ġurnal Uffiċjali tal-Unjoni Ewropea

C 392/50

Rikors ippreżentat fit-12 ta’ Settembru 2016 – Iame vs EUIPO – Industrie Aeronautiche Reggiane (Parilla)

(Kawża T-642/16)

(2016/C 392/65)

Lingwa tar-rikors: it-Taljan

Partijiet

Rikorrenti: Iame SpA (Milano, l-Italja) (rappreżentanti: M. Mostardini, G. Galimberti, F. Mellucci, R. Kakkar, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Industrie Aeronautiche Reggiane Srl (Reggio Emilia, l-Italja)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: ir-rikorrenti

Trade mark kontenzjuża kkonċernata: it-trade mark tal-Unjoni Ewropea figurattiva li tinkludi l-element verbali “Parilla” – Trade mark tal-Unjoni Ewropea Nru 3 065 182

Proċedimenti quddiem l-EUIPO: proċedimenti ta’ revoka

Deċiżjoni kkontestata: id-deċiżjoni tal-Ewwel Bord tal-Appell tal-EUIPO tat-23 ta’ Ġunju 2016 fil-Każ R 608/2015-1

Talbiet

—

tannulla d-deċiżjoni kkontestata minħabba ksur tal-Artikolu 51 tar-Regolament Nru 207/2009, sa fejn din id-deċiżjoni ċaħdet l-appell R0608/2015-1 u kkonfermat ir-revoka minħabba nuqqas ta’ użu tat-trade mark figurattiva tal-Unjoni Ewropea “Parilla” Nru 3065182, li IAME S.p.A. hija l-proprjetarja tagħha għall-prodotti u servizzi kollha fil-klassijiet 7 u 41;

u konsegwentement:

—	tiċħad it-talba għal revoka, li tinsab fl-Artikolu 51 tar-Regolament Nru 207/2009, tat-trade mark figurattiva tal-Unjoni Ewropea “Parilla” Nru 3065182, li IAME S.p.A. hija l-proprjetarja tagħha għall-prodotti u servizzi kollha fil-klassijiet 7 u 41;

—	taħt kull riżerva li sussegwentement tippreżenta argumenti u tipproduċi provi fit-termini previsti;

—	tikkundanna lill-EUIPO għall-ispejjeż.

Motiv invokat

—	Ksur u applikazzjoni żbaljata tal-Artikolu 51 tar-Regolament Nru 207/2009.