4.7.2016 |
MT |
Il-Ġurnal Uffiċjali tal-Unjoni Ewropea |
C 243/44 |
Appell ippreżentat fit-12 ta’ Mejju 2016 mill-Kummissjoni Ewropea mis-sentenza mogħtija fit-2 ta’ Marzu 2016 mit-Tribunal għas-Servizz Pubbliku fil-Kawża F-3/15, Frieberger u Vallin vs Il-Kummissjoni
(Kawża T-232/16 P)
(2016/C 243/49)
Lingwa tal-kawża: il-Franċiż
Partijiet
Appellanti: Il-Kummissjoni Ewropea (rappreżentanti: G. Berscheid u G. Gattinara, aġenti)
Partijiet oħra fil-proċedura: Jürgen Frieberger (Woluwe-Saint-Lambert, il-Belġju) u Benjamin Vallin (Saint-Gilles, il-Belġju)
Talbiet
— |
tannulla s-sentenza tat-Tribunal għas-Servizz Pubbliku, tat-2 ta’ Marzu 2016, mogħtija fil-kawża F-3/15, Frieberger u Vallin vs Il-Kummissjoni, sa fejn it-Tribunal għas-Servizz Pubbliku qies bħala fondat ir-raba’ motiv tar-rikors; |
— |
f’dak li jirrigwarda l-proċedura fl-ewwel istanza, sa fejn it-Tribunal għas-Servizz Pubbliku jqis il-kawża fi stat li tiġi deċiża, tiċħad ir-rikors bħala infondat u tikkundanna lir-rikorrenti għall-ispejjeż; |
— |
f’dak li jirrigwarda l-proċedura ta’ appell, tordna li kull parti tbati l-ispejjeż rispettivi tagħha relatati ma’ din il-proċedura. |
Aggravji u argumenti prinċipali
Insostenn tal-appell tagħha, l-appellanti tinvoka ħames aggravji.
1. |
L-ewwel aggravju, ibbażat fuq żnaturament tal-argumenti invokati fl-ewwel istanza kif ukoll fuq ksur tal-projbizzjoni li tiddeċiedi ultra petita. |
2. |
It-tieni aggravju, ibbażat fuq żball ta’ liġi fl-interpretazzjoni tal-Artikolu 26(5) tal-Anness XIII tar-Regolamenti tal-Persunal. |
3. |
It-tielet aggravju, ibbażat fuq żball ta’ liġi fl-interpretazzjoni tal-kunċett ta’ trasferiment tad-drittijiet għall-pensjoni skont l-Artikolu 11(2) tal-Anness VIII tar-Regolamenti tal-Persunal. |
4. |
Ir-raba’ aggravju, ibbażat fuq ksur tal-obbligu ta’ motivazzjoni. |
5. |
Il-ħames aggravju, ibbażat fuq ksur tal-prinċipju ta’ ugwaljanza fit-trattament. |