25.4.2016 |
MT |
Il-Ġurnal Uffiċjali tal-Unjoni Ewropea |
C 145/35 |
Rikors ippreżentat fit 8 ta’ Marzu 2016 – Klausner Holz Niedersachsen vs Il-Kummissjoni
(Kawża T-101/16)
(2016/C 145/43)
Lingwa tal-kawża: il-Ġermaniż
Partijiet
Rikorrenti: Klausner Holz Niedersachsen GmbH (Saalburg-Ebersdorf, il-Ġermanja) (rappreżentanti: D. Reich, C. Hipp u T. Ilgner, avukati)
Konvenuta: Il-Kummissjoni Ewropea
Talbiet
— |
tikkonstata li l-konvenuta kisret l-Artikolu 108 TFUE moqri flimkien mal-Artikolu 15(1) tar-Regolament tal-Kunsill (UE) 2015/1589 li jistabblixxi regoli dettaljati għall-applikazzjoni tal-Artikolu 108 tat-Trattat dwar il-Funzjonament tal-Unjoni Ewropea sa fejn, wara l-ittra tar-rikorrenti tat-13 ta’ Novembru 2015, hija naqset milli tadotta, skont l-Artikolu 4 ta’ dan ir-regolament, id-deċiżjoni prevista minn dawn id-dispożizzjoniijet dwar l-għeluq tal-proċeduri ta’ eżami preliminari SA.37113 u SA.375009; |
— |
tikkundanna lill-konvenuta għall-ispejjeż, ukoll jekk ir-rikors kellu jsir mingħajr skop minħabba l-adozzjoni mill-Kummissjoni Ewropea ta’ miżura matul il-proċedura. |
Motivi u argumenti prinċipali
Insostenn tar-rikors tagħha, ir-rikorrenti tinvoka motiv uniku li permezz tiegħu hija ssostni li l-Kummissjoni ma adottatx f’terminu raġonevoli deċiżjoni li tagħlaq il-proċedura ta’ eżami preliminari skont l-Artikolu 4(1) sa (4) tar-Regolament (UE) 2015/1589 (1), minkejja li hija kienet ġiet mistiedna sabiex tieħu azzjoni skont it-tieni paragrafu tal-Artikolu 265 TFUE.
(1) Regolament tal-Kunsill (UE) Nru 2015/1589, tat-13 ta’ Lulju 2015, li jistabblixxi regoli dettaljati għall-applikazzjoni tal-Artikolu 108 tat-Trattat dwar il-Funzjonament tal-Unjoni Ewropea (ĠU L 248, p. 9).