Sentenza tal-Qorti Ġenerali (It-Tmien Awla) tal-4 ta’ Ottubru 2018 – Tataram vs Il-Kummissjoni

(Kawża T‑546/16)

“Servizz pubbliku – Uffiċjali – Adattament tar-remunerazzjonijiet – Regolament (UE) Nru 423/2014 – Rendikont tar-remunerazzjoni – Terminu tar-rikors – Dekadenza – Inammissibbiltà”

1. 

Eċċezzjoni ta’ illegalità – Atti li l-illegalità tagħhom tista’ tiġi eċċepita – Att ta’ natura ġenerali li fuqu hija bbażata d-deċiżjoni kkontestata – Ammissibbiltà – Kundizzjonijiet

(it-tieni subparagrafu tal-Artikolu 263 TFUE, Artikoli 270 TFUE u 277 TFUE)

(ara l-punti 32, 33, 45, 46, 49)

2. 

Rikorsi tal-uffiċjali – Att li jikkawża preġudizzju – Kunċett – Rendikont tar-remunerazzjoni – Inklużjoni normalment ammessa għall-finijiet tal-eżerċizzju tad-drittijiet ta’ rikors

(Regolamenti tal-Persunal, Artikoli 90(2), u 91(1))

(ara l-punt 36)

3. 

Rikorsi tal-uffiċjali – Att li jikkawża preġudizzju – Kunċett – Rendikont tar-remunerazzjoni jew tal-pensjoni li jirrifletti deċiżjoni li għandha għan purament pekunjarju – Inklużjoni – Rendikont tar-remunerazzjoni jew tal-pensjoni li sempliċiment jikkonferma d-deċiżjonijiet amministrattivi preċedenti – Esklużjoni

(Regolamenti tal-Persunal, Artikoli 90(2), u 91(1))

(ara l-punti 37, 38)

4. 

Rikorsi tal-uffiċjali – Ilment amministrattiv li għandu jitressaq qabel – Termini – Bidu tad-dekorrenza

(Regolamenti tal-Persunal, Artikolu 90)

(ara l-punt 39)

Suġġett

Talba abbażi tal-Artikolu 270 TFUE u intiża għall-annullament tad-deċiżjoni li tiffissa r-remunerazzjoni tar-rikorrenti għal Mejju 2014, kif ikkonkretizzat ruħha fir-rendikont tar-remunerazzjoni għax-xahar imsemmi li ntbagħtilha fil-15 ta’ Mejju 2014 u li huwa l-ewwel rendikont li japplika r-Regolament (UE) Nru 423/2014 tal-Parlament Ewropew u tal-Kunsill tas-16 ta’ April 2014 li jaġġusta, b’effett mill-1 ta’ Lulju 2012, ir-rimunerazzjoni u l-pensjonijiet tal-uffiċjali u ta’ aġenti oħra tal-Unjoni Ewropea kif ukoll il-koeffiċjenti korrettivi li japplikaw għalihom (ĠU 2014, L 129, p. 12).

Dispożittiv

1) 

Ir-rikors huwa miċħud.

2) 

Marina Tataram hija kkundannata għall-ispejjeż.

3) 

Il-Parlament Ewropew u l-Kunsill tal-Unjoni Ewropea għandhom ibatu l-ispejjeż tagħhom stess.