6.11.2017 |
MT |
Il-Ġurnal Uffiċjali tal-Unjoni Ewropea |
C 374/31 |
Sentenza tal-Qorti Ġenerali tal-21 ta’ Settembru 2017 – Eurofast vs Il-Kummissjoni
(Kawża T-87/16) (1)
((Għajnuna finanzjarja - Is – seba’ programm qafas għall – azzjonijiet ta’ riċerka, ta’ żvilupp teknoloġiku u ta’ dimostrazzjoni - Konvenzjoni ASSET - Deċiżjoni ta’ rkupru permezz ta’ tpaċċija ta’ ċerti somom imħallsa wara awditu finanzjarju - Rikors għal annullament - Aspettattivi leġittimi - Klawżola ta’ arbitraġġ - Terminu għall – komunikazzjoni tar – rapport ta’ awditu - Prinċipju ta’ kontradittorju - Eliġibbiltà tal – ispejjeż - Responsabbiltà kuntrattwali))
(2017/C 374/47)
Lingwa tal-kawża: il-Franċiż
Partijiet
Rikorrenti: Eurofast SARL (Pariġi, Franza) (rappreżentant: S. Pappas, avukat)
Konvenuta: Il-Kummissjoni Ewropea (rappreżentanti: J. Estrada de Solà, S. Delaude u S. Lejeune, aġenti)
Suġġett
Minn naħa, talba bbażata fuq l-Artikolu 263 TFUE u intiża għall-annullament tad-deċiżjoni tal-Kummissjoni tas-17 ta’ Diċembru 2015 li tirkupra permezz ta’ tpaċċija, skont il-konklużjonijiet ta’ awditu finanzjarju, ta’ ċerti somom imħallsa lir-rikorrenti b’eżekuzzjoni tal-ftehim ta’ sussidju Nru 211625 għat-twettiq tal-proġett Asset, konkluż fil-kuntest tas-seba’ programm qafas għall-azzjonijiet ta’ riċerka, ta’ żvilupp teknoloġiku u ta’ dimostrazzjoni, u, min-naħa l-oħra, talba bbażata fuq l-Artikolu 272 TFUE u intiża għall-konstatazzjoni tal-ineżistenza tal-imsemmi dejn, sabiex l-ispejjeż sostnuti fl-eżekuzzjoni tal-ftehim ta’ sussidju Nru 211625 għat-twettiq tal-proġett Asset jiġu ddikkjarati eliġibbli u sabiex il-Kummissjoni tikkonferma l-leġittimità tal-finanzjament mogħti, sabiex il-Kummissjoni tiġi ordnata tħallas somma ineżekuzzjoni tal-ftehim ta’ sussidju Nru 607049 għat-twettiq tal-proġett Eksistenz u sabiex din tal-aħħar tiġi kkundanata tħallas kumpens kuntrattwali.
Dispożittiv
1) |
Ir-rikors huwa miċħud. |
2) |
Eurofast SARL hija kkundannata tħallas lill-Kummissjoni Ewropea somma ta’ EUR 78 380,28, li tikkorrispondi għar-rimbors tal-għajnuna finanzjarja li bbenefikat minnha abbażi tal-ftehim ta’ sussidju Nru 211625 għat-twettiq tal-proġett “Aeronautic Study on Seamless Transport”, flimkien mal-interessi moratorji ta’ 3,55 % mit-13 ta’ Jannar 2015, tnaqqis tal-ammont impaċċi, jiġifieri EUR 69 923,68 sad-data tas-17 ta’ Diċembru 2015. |
3) |
Eurofast għandha tbati, minbarra spejjeż oħra, dawk sostnuti mill-Kummissjoni, inkluż dawk relatati mal-proċeduri għal miżuri provviżorji. |