6.2.2017
|
MT
|
Il-Ġurnal Uffiċjali tal-Unjoni Ewropea
|
C 38/8
|
Talba għal deċiżjoni preliminari mressqa mill-Finanzgericht Hamburg (il-Ġermanja) fit-3 ta’ Novembru 2016 – Lutz GmbH vs Hauptzollamt Hannover
(Kawża C-556/16)
(2017/C 038/11)
Lingwa tal-kawża: il-Ġermaniż
Qorti tar-rinviju
Finanzgericht Hamburg
Partijiet fil-kawża prinċipali
Rikorrenti: Lutz GmbH
Konvenut: Hauptzollamt Hannover
Domandi preliminari
1)
|
a)
|
In-Noti ta’ Spjega għan-Nomenklatura Magħquda tal-Unjoni Ewropea (1), tal-Kummissjoni Ewropea, rigward is-subintestatura 6212 20 00 (ĠU 2015, C 76, p. 1, p. 255), għandhom jiġu interpretati fis-sens li, għal ċinet ta’ qlieżet ta’ taħt (“panty girdles”), l-elastiċità hija “orizzontali ristretta [ristretta fis-sens orrizontali]” meta l-elastiċità orizzontali tkun inqas minn dik vertikali?
|
b)
|
Fil-każ ta’ risposta fl-affermattiv għad-domanda 1(a):
Abbażi ta’ liema kriterji oġġettivi għandu jsir dan il-paragun bejn elastiċità vertikali u elastiċità orizzontali?
|
|
2)
|
Fil-każ ta’ risposta fin-negattiv għad-domanda 1(a):
a)
|
In-Noti ta’ Spjega għan-Nomenklatura Magħquda tal-Unjoni Ewropea, tal-Kummissjoni Ewropea, rigward is-subintestatura 6212 20 00 (ĠU 2015, C 76, p. 1, p. 255), għandhom jiġu interpretati fis-sens li, għal ċinet ta’ qlieżet ta’ taħt, l-elastiċità hija “ristretta fis-sens orizzontali” biss meta l-elastiċità orizzontali tkun manifestament inqas minn dik vertikali?
|
b)
|
Fil-każ ta’ risposta fl-affermattiv għad-domanda 2(a):
Abbażi ta’ liema kriterji oġġettivi għandu jsir dan il-paragun bejn elastiċità vertikali u elastiċità orizzontali u skont liema kriterju ta’ evalwazzjoni?
|
|
3)
|
Fil-każ ta’ risposta fin-negattiv għad-domanda 2(a):
a)
|
In-Noti ta’ Spjega għan-Nomenklatura Magħquda tal-Unjoni Ewropea, tal-Kummissjoni Ewropea, rigward is-subintestatura 6212 20 00, għandhom jiġu interpretati fis-sens li r-restrizzjoni tal-elastiċità orizzontali għal ċinet ta’ qlieżet ta’ taħt ma hijiex iddefinita permezz ta’ paragun bejn elastiċità vertikali u dik orizzontali, iżda tfisser restrizzjoni assoluta tal-elastiċità orizzontali?
|
b)
|
Fil-każ ta’ risposta fl-affermattiv għad-domanda 3(a):
|
Abbażi ta’ liema kriterji oġġettivi għandu jiġi eżaminat jekk l-elastiċità ta’ ċinet ta’ qliezet ta’ taħt fis-sens orizzontali hija ristretta fis-sens imsemmi fil-punt (a) ta’ din id-domanda?
|
(1) Regolament tal-Kunsill (KEE) Nru 2658/87, tat-23 ta’ Lulju 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU Edizzjoni Speċjali bil-Malti, Kapitolu 2, Vol. 2, p. 382).