|
29.2.2016 |
MT |
Il-Ġurnal Uffiċjali tal-Unjoni Ewropea |
C 78/26 |
Rikors ippreżentat fit-18 ta’ Diċembru 2015 – Guccio Gucci vs UASI – Guess? IP Holder (Rappreżentazzjoni ta’ erba’ ittri G intriċċati)
(Kawża T-753/15)
(2016/C 078/37)
Lingwa tar-rikors: l-Ingliż
Partijiet
Rikorrenti: Guccio Gucci SpA (Firenze, l-Italja) (rappreżentanti: P. Roncaglia, F. Rossi u N. Parrotta, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (UASI)
Parti oħra quddiem il-Bord tal-Appell: Guess? IP Holder LP (Los Angeles, l-Istati Uniti)
Informazzjoni dwar il-proċedimenti quddiem l-UASI
Applikant għat-trade mark ikkontestata: il-parti l-oħra quddiem il-Bord tal-Appell
Trade mark ikkontestata kkonċernata: reġistrazzjoni internazzjonali li tindika l-Unjoni Ewropea tat-trade mark figurattiva li tirrappreżenta erba’ ittri G intriċċati – Reġistrazzjoni internazzjonali li tindika l-Unjoni Ewropea Nru 1 090 048
Proċedimenti quddiem l-UASI: proċedimenti ta’ oppożizzjoni
Deċiżjoni kkontestata: deċiżjoni tar-Raba’ Bord tal-Appell tal-UASI, tal-14 ta’ Ottubru 2015, fil-Każ R 1703/2014-4
Talbiet
|
— |
tannulla d-deċiżjoni kkontestata; |
|
— |
tikkundanna lill-UASI għall-ispejjeż sostnuti mir-rikorrenti matul dawn il-proċedimenti; |
|
— |
tikkundanna lil Guess għall-ispejjeż sostnuti mir-rikorrenti matul il-proċedimenti quddiem il-Bord tal-Appell tal-UASI. |
Motivi invokati
|
— |
Ksur tal-Artikoli 8(1)(b), 8(5) u 75 tar-Regolament Nru 207/2009. |