|
5.10.2015 |
MT |
Il-Ġurnal Uffiċjali tal-Unjoni Ewropea |
C 328/19 |
Rikors ippreżentat fis-27 ta’ Lulju 2015 – Islamic Republic of Iran Shipping Lines a.o. vs Il-Kunsill
(Kawża T-434/15)
(2015/C 328/19)
Lingwa tal-kawża: l-Ingliż
Partijiet
Rikorrenti: Islamic Republic of Iran Shipping Lines (Tehran, l-Iran); Hafize Darya Shipping Lines (HDSL) (Tehran); Safiran Payam Darya Shipping Lines (SAPID) (Tehran); Khazar Sea Shipping Lines (Anzali Free Zone, l-Iran); Rahbaran Omid Darya Ship Management Co. (Tehran); Irinvestship Ltd (Londra, ir-Renju Unit); u IRISL Europe GmbH (Hamburg, il-Ġermanja) (rappreżentanti: M. Taher, Solicitor, M. Malek, QC, u R. Blakeley, Barrister)
Konvenut: Il-Kunsill tal-Unjoni Ewropea
Talbiet
|
— |
tikkundanna lill-Kunsill iħallas lir-rikorrenti kumpens, f’ammont li għandu jiġi stabbilit matul din il-proċedura, iżda f’ammont ta’ mhux inqas minn USD 57 1 0 40 504, flimkien mal-interessi; u |
|
— |
tikkundanna lill-Kunsill iħallas l-ispejjeż tar-rikorrenti. |
Motivi u argumenti prinċipali
Insostenn tar-rikors tagħhom, ir-rikorrenti jinvokaw motiv wieħed, li jallega li l-impożizzjoni mill-Kunsill tal-Unjoni Ewropea ta’ miżuri restrittivi fuq ir-rikorrenti kienet ksur suffiċjentement serju ta’ obbligi initiżi sabiex jagħtu drittijiet lir-rikorrenti u għaldaqstant ġiet stabbilita r-responsabbiltà mhux kuntrattwali tal-Unjoni Ewropea. Dan il-ksur kien il-kawża diretta ta’ danni materjali u mhux materjali sinjifikattivi lir-rikorrenti li għalihom huma intitolati jiġu kkumpensati.