4.5.2015   

MT

Il-Ġurnal Uffiċjali tal-Unjoni Ewropea

C 146/41

—

tannulla d-Deċiżjoni ta’ Implimentazzjoni tal-Kummissjoni 2014/950/UE, tad-19 ta’ Diċembru 2014, dwar l-esklużjoni mill-finanzjament tal-Unjoni Ewropea ta’ ċertu nfiq imġarrab mill-Istati Membri skont it-Taqsima tal-Garanziji tal-Fond Agrikolu Ewropew dwar Gwida u Garanzija (FAEGG), skont il-Fond Agrikolu Ewropew ta’ Garanzija (FAEG) u skont il-Fond Agrikolu Ewropew għall-Iżvilupp Rurali (FAEŻR) (notiikata [notifikata] bid-dokument C(2014) 10135) (ĠU L 369, p. 71), sa fejn hija tikkonċerna r-Repubblika tas-Slovenja u iktar speċifikament, minħabba l-korrezzjoni finanzjarja li tammonta għal EUR 8 7 00  815,25, adottata wara irregolaritajiet fir-rigward tas-sena 2009, fir-rigward tal-miżura tal-Fond għar-Ristrutturazzjoni taz-Zokkor;

—

tikkundanna lill-Kummissjoni għall-ispejjeż.

—

tannulla d-Deċiżjoni ta’ Implimentazzjoni tal-Kummissjoni 2014/950/UE, tad-19 ta’ Diċembru 2014, dwar l-esklużjoni mill-finanzjament tal-Unjoni Ewropea ta’ ċertu nfiq imġarrab mill-Istati Membri skont it-Taqsima tal-Garanziji tal-Fond Agrikolu Ewropew dwar Gwida u Garanzija (FAEGG), skont il-Fond Agrikolu Ewropew ta’ Garanzija (FAEG) u skont il-Fond Agrikolu Ewropew għall-Iżvilupp Rurali (FAEŻR) (notiikata [notifikata] bid-dokument C(2014) 10135) (ĠU L 369, p. 71), sa fejn hija tikkonċerna r-Repubblika tas-Slovenja u iktar speċifikament, minħabba l-korrezzjoni finanzjarja li tammonta għal EUR 8 7 00  815,25, adottata wara irregolaritajiet fir-rigward tas-sena 2009, fir-rigward tal-miżura tal-Fond għar-Ristrutturazzjoni taz-Zokkor, għal ammont li jeċċedi s-somma ta’ EUR 4 3 50  407,62.

—

tordna lil kull parti tbati l-ispejjeż rispettivi tagħha.

1.

L-ewwel motiv, ibbażat fuq applikazzjoni żbaljata tat-TFUE, jew ta’ xi regola tad-dritt relatata mal-applikazzjoni tiegħu, ta’ żball manifest ta’ evalwazzjoni, ta’ motivazzjoni insuffiċjenti tad-deċiżjoni u ta’ ksur tal-prinċipju tal-kontradittorju.

Ir-rikorrenti ssostni f’dan ir-rigward li huwa b’mod żbaljat li l-Kummissjoni kkonstatat li s-silos jitqiesu bħala parti integrali mill-kapaċitajiet ta’ produzzjoni, u li r-rikorrenti għandha għaldaqstant tneħħihom abbażi ta’ programm komprensiv ta’ ristrutturazzjoni.

2.

It-tieni motiv, ibbażat fuq ksur tal-prinċipji ta’ nullum cimen sine lege, ta’ kooperazzjoni leali, ta’ protezzjoni tal-aspettattivi leġittimi, kif ukoll tal-prinċipju patere legem quam ipse fecisti.

F’dan ir-rigward, ir-rikorrenti ssostni li l-korrezzjoni finanzjarja kontenzjuża ma kinitx tkun meħtieġa, u li t-tilwima ma kinitx tkun dwar id-deċiżjoni kkontestata: kieku l-Kummissjoni kienet wieġbet il-mistoqsija bil-miktub tar-rikorrenti dwar il-manutenzjoni ta’ kull waħda mill-kostruzzjonijiet li saret qabel it-8 ta’ Awwissu 2008 (data li fiha r-rikorrenti approvat emenda tal-programm ta’ ristrutturazzjoni dwar il-manutenzjoni tas-silos); kieku emendat u ssupplimentat ir-Regolament (KE) Nru 968/2006 (1); kieku, wara li rċeviet il-komunikazzjoni dwar il-modifika tal-programm ta’ ristrutturazzjoni, hija kienet informat lir-rikorrenti dwar l-allegata irregolarità rigward il-manutenzjoni tas-silos, jew kieku kienet informat bil-miktub lill-Istati Membri kollha dwar l-interpretazzjoni tagħha tad-dispożizzjonijiet mhux ċari tal-leġiżlazzjoni rilevanti.