|
26.10.2015 |
MT |
Il-Ġurnal Uffiċjali tal-Unjoni Ewropea |
C 354/56 |
Rikors ippreżentat fl-20 ta’ Awwissu 2015 – ZZ vs Europol
(Kawża F-120/15)
(2015/C 354/68)
Lingwa tal-kawża: l-Olandiż
Partijiet
Rikorrenti: ZZ (rappreżentanti: W.J. Dammingh u N.D. Dane, avukati)
Konvenuta: L-Uffiċċju Ewropew tal-Pulizija (Europol)
Suġġett u deskrizzjoni tat-tilwima
L-annullament tad-deċiżjoni tal-Europol, meħuda sabiex tiġi eżegwita s-sentenza tat-Tribunal għas-Servizz Pubbliku, li tikkonferma r-rifjut li r-rikorrent jingħata kuntratt għal żmien indeterminat u li tofrilu somma f’daqqa li l-ammont tagħha ma huwiex, skont ir-rikorrenti, suffiċjenti sabiex jikkumpensaha għad-dannu li hija tallega li sofriet minħabba n-nuqqas ta’ eżekuzzjoni tas-sentenzi tat-Tribunal għas-Servizz Pubbliku
Talbiet
|
— |
jannulla kemm id-deċiżjoni tal-Europol tad-29 ta’ Lulju 2014, sa fejn din id-deċiżjoni ma tatix lir-rikorrenti kuntratt għal żmien indeterminat u sa fejn tofrilha kumpens ta’ EUR 10 000, kif ukoll id-deċiżjoni tat-22 ta’ Mejju 2015, sa fejn din tiċħad l-ilment tar-rikorrenti kontra d-deċiżjoni tad-29 ta’ Lulju 2014; |
|
— |
tikkundanna lill-Europol għall-ispejjeż, inklużi l-ispejjeż tal-avukati. |