1.6.2015

Il-Ġurnal Uffiċjali tal-Unjoni Ewropea

C 178/28

Rikors ippreżentat fid-9 ta’ Marzu 2015 – ZZ et vs CEPOL

(Kawża F-41/15)

(2015/C 178/31)

Lingwa tal-kawża: l-Ingliż

Partijiet

Rikorrenti: ZZ et

Konvenut: Kulleġġ Ewropew tal-Pulizija (CEPOL)

Suġġett u deskrizzjoni tat-tilwima

Annullament tad-deċiżjonijiet tal-Kulleġġ Ewropew tal-Pulizija (CEPOL) li tobbliga lir-rikorrenti jew li jirriżenjaw miċ-CEPOL, jew lil minn Londra jridu jittrasferixxu għal Budapest b’telf finanzjarju għal dawk li jittraferixxu rwieħhom, u kumpens għad-dannu materjali u għad-dannu morali allegatament ikkawżat lir-rikorrenti.

Talbiet tar-rikorrenti

—

Annullament tad-deċiżjoni taċ-CEPOL Nru 17/2014/DIR, tat-23 ta’ Mejju 2014, li tipprevedi t-trasferiment taċ-CEPOL minn Budapest, l-Ungerija, mill-1 ta’ Ottubru 2014 u li informat lir-rikorrenti li “[i]n-nuqqas ta’ osservanza ta’ din l-ordni ser jitqies bħala riżenja effettiva mit-30 ta’ Settembru 2014”;

—	kif ukoll, u sa fejn ikun neċessarju, tannulla d-deċiżjonijiet taċ-CEPOL tat-28 ta’ Novembru 2014 li tiċħad it-talbiet imressqa mir-rikorrenti bejn it-8 u l-21 ta’ Awwissu 2014 kontra d-deċiżjoni ta’ hawn fuq;

—	kif ukoll, u, sa fejn ikun neċessarju, l-annullament tad-deċiżjonijiet taċ-CEPOL tat-22 ta’ Diċembru 2014 li bihom iċ-CEPOL “aċċettat” ir-riżenji rispettivi taż-żewġ rikorrenti;

—	kumpens għad-dannu materjali mġarrab mir-rikorrenti;

—	kumpens għad-dannu morali mġarrab mir-rikorrenti;

—	kundanna taċ-CEPOL għall-ispejjeż.