14.3.2016 |
MT |
Il-Ġurnal Uffiċjali tal-Unjoni Ewropea |
C 98/15 |
Sentenza tal-Qorti tal-Ġustizzja (L-Għaxar Awla) tal-14 ta’ Jannar 2016 – Il-Kummissjoni Ewropea vs Ir-Repubblika Ellenika
(Kawża C-66/15) (1)
((Nuqqas ta’ Stat li jwettaq obbligu - Libertà li jiġu pprovduti servizzi - Karozzi - Kiri jew leasing ta’ karozza minn resident ta’ Stat Membru mingħand fornitur stabbilit fi Stat Membru ieħor - Tassazzjoni ta’ din il-karozza waqt fil-mument tar-reġistrazzjoni tagħha fl-ewwel Stat Membru - Ġbir tal-ammont sħiħ tat-taxxa ta’ reġistrazzjoni))
(2016/C 098/19)
Lingwa tal-kawża: il-Grieg
Partijiet
Rikorrenti: Il-Kummissjoni Ewropea (rappreżentanti: M. Wasmeier u D. Triantafyllou, aġenti)
Konvenuta: Ir-Repubblika Ellenika (rappreżentanti: K. Boskovits u V. Karrá, aġenti)
Dispożittiv
1) |
Billi ġabret l-ammont sħiħ tat-taxxa ta’ reġistrazzjoni prevista mil-leġiżlazzjoni tagħha fil-mument tar-reġistrazzjoni ta’ karozza mikrija jew taħt leasing minn klijent residenti fit-territorju tagħha mingħand fornitur stabbilit fi Stat Membru ieħor, mingħajr ma ħadet inkunsiderazzjoni t-tul tal-kuntratt ta’ kiri jew ta’ leasing u t-tul ta’ użu tal-imsemmija karozza fit-territorju Grieg, ir-Repubblika Ellenika naqset mill-obbligi tagħha skont l-Artikoli 56 TFUE sa 62 TFUE. |
2) |
Ir-Repubblika Ellenika hija kkundannata għall-ispejjeż. |