6.10.2014

Il-Ġurnal Uffiċjali tal-Unjoni Ewropea

C 351/21

Rikors ippreżentat fl-4 ta’ Awwissu 2014 – Giand vs UASI – Flamagas (FLAMINAIRE)

(Kawża T-583/14)

2014/C 351/27

Lingwa tar-rikors: it-Taljan

Partijiet

Rikorrenti: Giand Srl (Rimini, l-Italja) (rappreżentant: F. Caricato, avukat)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Parti oħra quddiem il-Bord tal-Appell: Flamagas, SA (Barcelona, Spanja)

Talbiet tar-rikorrenti

—	tannulla d-deċiżjoni tar-Raba’ Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tal-11 ta’ Ġunju 2014 fil-Każ R 2117/2011-4, li tiddikjara li ma hemmx probabbiltà ta’ konfużjoni bejn it-trade marks inkwistjoni;

—	tirrinvija l-każ quddiem il-UASI sabiex id-deċiżjoni tiġi emendata fuq il-mertu u sabiex it-trade mark Komunitarja Nru 8 6 80 746 tiġi rreġistrata għall-prodotti kollha li fir-rigward tagħhom saret l-applikazzjoni, bla ħsara għal dawk li ma ġewx ikkontestati;

—	tikkundanna lill-UASI għall-ispejjeż sostnuti quddiem id-Diviżjoni tal-Oppożizzjoni, quddiem il-Bord tal-Appell u quddiem il-Qorti Ġenerali.

Motivi u argumenti prinċipali

Applikanti għat-trade mark Komunitarja: ir-rikorrenti

Trade mark Komunitarja kkonċernata: it-trade mark verbali “FLAMINAIRE” għal prodotti fil-klassijiet 16 u 34 – Applikazzjoni għat-trade mark Komunitarja Nru 8 6 80 746

Proprjetarju tat-trade mark jew tas-sinjal invokat insostenn tal-oppożizzjoni: Flamagas, SA

Trade mark jew sinjal invokat insostenn tal-oppożizzjoni: it-trade mark verbali internazzjonali u t-trade mark verbali nazzjonali għal prodotti fil-klassijiet 16 u 34

Deċiżjoni tad-Diviżjoni tal-Oppożizzjoni: oppożizzjoni miċħuda parzjalment

Deċiżjoni tal-Bord tal-Appell: appell miċħud

Motivi invokati:

—	ksur tal-prinċipju ta’ ne bis in idem;

—	evalwazzjoni żbaljata tal-probbabbiltà ta’ konfużjoni;

—	evalwazzjoni żbaljata tal-provi.