5.5.2014

Il-Ġurnal Uffiċjali tal-Unjoni Ewropea

C 135/53

Appell ippreżentat fl-24 ta’ Frar 2014 mill-Kunsill tal-Unjoni Ewropea mis-sentenza mogħtija mit-Tribunal għas-Servizz Pubbliku fit-12 ta’ Diċembru 2013 fil-Kawża F-142/11, Simpson vs Il-Kunsill

(Kawża T-130/14 P)

2014/C 135/68

Lingwa tal-kawża: l-Ingliż

Partijiet

Appellant: Il-Kunsill tal-Unjoni Ewropea (rappreżentant: M. Bauer u A. Bisch, bħala aġenti)

Il-parti l-oħra fil-proċeduri: Erik Simpson (Brussell, il-Belġju)

Talbiet tal-appellant

—

Tannulla s-sentenza tat-Tribunal għas-Servizz Pubbliku tal-Unjoni Ewropea (L-Ewwel Awla), tat-12 ta’ Diċembru 2013, mogħtija fil-Kawża F-142/11, Erik Simpson vs Il-Kunsill, sa fejn tannulla d-deċiżjoni tal-Kunsill tal-Unjoni Ewropea tad-9 ta’ Diċembru 2010 u li tiddikjara li l-Kunsill tal-Unjoni Ewropea għandu jbati l-ispejjeż tiegħu kif ukoll l-ispejjeż ta’ E. Simpson;

—	Tirrinvija l-kawża quddiem it-Tribunal għas-Servizz Pubbliku; u

—	Tordna li r-rikorrent fl-ewwel istanza jbati l-ispejjeż ta’ din il-proċedura.

Aggravji u argumenti prinċipali

Insostenn tal-appell tiegħu, l-appellant jinvoka aggravju wieħed, li jallega li l-konklużjoni tat-Tribunal għas-Servizz Pubbliku, li tgħid li d-deċiżjoni kkontestata hija illegali minħabba li tikser l-obbligu ta’ motivazzjoni, hija bbażata fuq premessi żbaljati dovuti għad-distorsjoni tal-provi, u għalhekk ma tistax tiġi milqugħa.