16.11.2015 |
MT |
Il-Ġurnal Uffiċjali tal-Unjoni Ewropea |
C 381/37 |
Digriet tal-Qorti Ġenerali tal-14 ta’ Settembru 2015 – Is-Slovakkja vs Il-Kummissjoni
(Kawża T-779/14) (1)
((“Rikors għal annullament - Riżorsi proprji tal-Unjoni - Responsabbiltà finanzjarja tal-Istati Membri - Obbligu li l-Kummissjoni titħallas l-ammont li jikkorrispondi għat-telf tar-riżorsi proprji - Ittra tal-Kummissjoni - Att li ma jistax jiġi kkontestat - Inammissibbiltà”))
(2015/C 381/43)
Lingwa tal-kawża: is-Slovakk
Partijiet
Rikorrenti: Ir-Repubblika Slovakka (rappreżentant: B. Ricziová, aġent)
Konvenuta: Il-Kummissjoni Ewropea (rappreżentanti: L. Grønfeldt, A. Tokár u M. Wasmeier, aġenti)
Suġġett
Talba għall-annullament tal-allegata deċiżjoni tad-DG Baġit tal-Kummissjoni li tinsab fl-ittra BUDG/B/03MV D (2014) 3139078 tal-24 ta’ Settembru 2014, li biha dan tal-aħħar jordna lir-Repubblika Slovakka tpoġġi għad-dispożizzjoni tiegħu l-ammont gross li jammonta għal EUR 1 4 53 723,12 (li minnu għandu jitnaqqas25 % bħala spejjeż ta’ riċeviment) li jikkorrispondi għal telf ta’ riżorsi proprji tradizzjonali, u dan sa mhux iktar tard mill-ewwel ġurnata tax-xogħol wara d-dsatax-il ġurnata mit-tieni xahar wara li ntbagħtet l-ittra msemmija.
Dispożittiv
1) |
Ir-rikors huwa miċħud. |
2) |
Ma hemm lok li tingħata deċiżjoni dwar it-talbiet għal intervent tar-Repubblika Federali tal-Ġermanja u tar-Rumanija. |
3) |
Ir-Repubblika Slovakka hija kkundannata tbati l-ispejjeż tagħha u dawk esposti mill-Kummissjoni Ewropea. |
4) |
Ir-Repubblika Slovakka, il-Kummissjoni, ir-Repubblika Federali tal-Ġermanja u r-Rumanija għandom ibatu l-ispejjeż tagħhom stess relatati mat-talbiet għal intervent. |