|
12.1.2015 |
MT |
Il-Ġurnal Uffiċjali tal-Unjoni Ewropea |
C 7/61 |
Rikors ippreżentat fis-16 ta’ Novembru 2014 – ZZ vs Il-Kummissjoni
(Kawża F-131/14)
(2015/C 007/80)
Lingwa tal-kawża: il-Franċiż
Partijiet
Rikorrent: ZZ (rappreżentant: A. Salerno, avukat)
Konvenuta: Il-Kummissjoni
Suġġett
L-annullament tad-deċiżjoni tal-Kummissjoni li ma żżidx is-salarju tar-rikorrent, li huwa membru tal-persunal bil-kuntratt, wara ż-żieda fis-sigħat ta’ xogħol għal 40 siegħa fil-ġimgħa bħala konsegwenza tad-dħul fis-seħħ tal-istatut il-ġdid fl-1 ta’ Jannar 2014.
Talbiet tar-rikorrent
|
— |
jannulla r-rendikont ta’ remunerazzjoni tiegħu għax-xahar ta’ Jannar 2014, sa fejn jirrifletti u jistabbilixxi diskriminazzjoni f’termini ta’ salarju bejnu u bejn kollega tiegħu li, filwaqt li jaħdem fl-istess settur bħalu u jeżerċita responsabbiltajiet inferjuri għal tiegħu, huwa rremunerat aħjar fuq il-livell tas-salarju gross; |
|
— |
jikkundanna lill-konvenuta għall-ispejjeż kollha tal-proċedura. |