14.7.2014   

MT

Il-Ġurnal Uffiċjali tal-Unjoni Ewropea

C 223/2

1)

Il-fatt li vidjokamera ma tipprovdix il-possibbiltà li wieħed jiffoka mill-qrib jipprekludi l-klassifikazzjoni tagħha fis-subintestatura 8525 90 9 tan-Nomenklatura Magħquda fil-verżjoni tar-Regolament tal-Kummissjoni (UE) Nru 861/2010, tal-5 ta’ Ottubru 2010, u tar-Regolament tal-Kummissjoni (UE) Nru 1006/2011, tas-27 ta’ Settembru 2011, li t-tnejn li huma jemendaw l-Anness I tar-Regolament tal-Kunsill (KEE) Nru 2658/87, tat-23 ta’ Lulju 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (1)?

2)

Fil-każ li l-ewwel domanda tingħata risposta negattiva, apparat b’vidjokamera jkun jista’ jirreġistra l-ħsejjes u l-immaġni meħuda bil-kamera fis-sens tas-subintestatura 8525 80 91 NM sempliċement minħabba li fajl b’vidjo jew b’awdjo jkun jista’ jiġi kkopjat, permezz ta’ konnessjoni USB fuq il-kamera, minn apparat ieħor għal fuq il-mezz interkambjabbli użat għar-reġistrazzjoni u li jkun neċessarju sabiex tiġi operata l-kamera, u dan minkejja li wieħed ma jkunx jista’ jara jew jisma’ dawn il-fajls permezz tal-kamera waħedha?