5.5.2014 |
MT |
Il-Ġurnal Uffiċjali tal-Unjoni Ewropea |
C 135/27 |
Rikors ippreżentat fl-10 ta’ Marzu 2014 – Il-Kummissjoni Ewropea vs Ir-Repubblika Portugiża
(Kawża C-116/14)
2014/C 135/32
Lingwa tal-kawża: il-Portugiż
Partijiet
Rikorrenti: Il-Kummissjoni Ewropea (rappreżentanti: N. Yerrell u P. Guerra e Andrade, aġenti)
Konvenuta: Ir-Repubblika Portugiża
Talbiet tar-rikorrenti
— |
tiddikjara li, billi ma addotatx u ma kkomunikatx il-linji gwida neċessarji, ir-Repubblika Portugiża naqset milli twettaq l-obbligi tagħha taħt l-Artikolu 8(1) u (2) tad-Direttiva 2008/96/KE (1), tal-Parlament u tal-Kunsill, tad-19 ta’ Novembru 2008, dwar il-ġestjoni tas-sikurezza fl-infrastruttura tat-toroq. |
— |
tikkundanna lir-Repubblika Portugiża għall-ispejjeż. |
Motivi u argumenti prinċipali
Skont l-Artikolu 8(1) tad-Direttiva 2008/96, l-Istati Membri għandhom jiżguraw l-adozzjoni ta’ linji gwida, fil-każ fejn dawn ma jkunux jeżistu, sad-19 ta’ Diċembru 2011, bil-għan li jgħinu lill-entitajiet kompetenti fl-applikazzjoni tad-Direttiva.
Wara li għaddew iktar minn sentejn minn tmiem it-terminu għall-adozzjoni tal-imsemmija linji gwida, l-Istat Portugiż għadu ma adottahomx.
Skont l-Artikolu 8(2) tad-Direttiva 2008/96, l-Istati Membri għandhom jinnotifikaw l-imsemmija linji gwida lill-Kummissjoni, f’terminu ta’ tliet xhur mid-data ta’ adozzjoni tagħhom.
Peress li ma’ adotta ebda linji gwida, konsegwentement, l-Istat Portugiż naqas mill-imsemmi obbligu ta’ notifika.