28.9.2015 |
MT |
Il-Ġurnal Uffiċjali tal-Unjoni Ewropea |
C 320/5 |
Digriet tal-Qorti tal-Ġustizzja (Is-Sitt Awla) tat-8 ta’ Lulju 2015 (talba għal deċiżjoni preliminari tal-Juzgado de Primera Instancia e Instrucción no 1 de Miranda de Ebro – Spanja) – Banco Grupo Cajatres SA vs María Mercedes Manjón Pinilla, Comunidad Hereditaria formada al fallecimiento de D. M. A. Viana Gordejuela
(Kawża C-90/14) (1)
((Rinviju għal deċiżjoni preliminari - Direttiva 93/13/KEE - Kuntratt konkluż bejn professjonist u konsumatur - Kuntratt ipotekarju - Klawżola ta’ interessi moratorji - Klawżola ta’ rimbors antiċipat - Proċedura ta’ sekwestru kawtelatorju ipotekarju - Moderazzjoni tal-ammont tal-interessi - Setgħa tal-qorti nazzjonali))
(2015/C 320/06)
Lingwa tal-kawża: l-Ispanjol
Qorti tar-rinviju
Juzgado de Primera Instancia e Instrucción no 1 de Miranda de Ebro
Partijiet fil-kawża prinċipali
Rikorrenti: Banco Grupo Cajatres SA
Konvenuti: María Mercedes Manjón Pinilla, Comunidad Hereditaria formada al fallecimiento de D. M. A. Viana Gordejuela
Dispożittiv
1) |
L-Artikoli 3(1), 4(1), 6(1) u 7(1) tad-Direttiva tal-Kunsill 93/13/KEE, tal-5 ta’ April 1993, dwar klawżoli inġusti f’kuntratti mal-konsumatur, għandhom jiġu interpretati fis-sens li l-evalwazzjoni mill-qorti nazzjonali tan-natura inġusta tal-klawżoli ta’ kuntratt li jaqgħu taħt din id-direttiva timponilha li tieħu inkunsiderazzjoni n-natura tal-oġġetti u tas-servizzi li huma s-suġġett tal-kuntratt kkonċernat billi tirreferi, għad-data tal-konklużjoni ta’ dan il-kuntratt, fiċ-ċirkustanzi kollha relatati magħha. |
2) |
L-Artikoli 6(1) u 7(1) tad-Direttiva 93/13 għandhom jiġu interpretati fis-sens li ma jipprekludux dispożizzjonijiet nazzjonali li jipprovdu moderazzjonijiet tal-interessi moratorji fil-kuntest ta’ kuntratt ta’ self ipotekarju, sa fejn dawn id-dispożizzjonijiet nazzjonali:
|