30.3.2015 |
MT |
Il-Ġurnal Uffiċjali tal-Unjoni Ewropea |
C 107/14 |
Sentenza tal-Qorti tal-Ġustizzja (Is-Sitt Awla) tal-5 ta’ Frar 2015 – Il-Kummissjoni Ewropea vs Ir-Renju tal-Belġju
(Kawża C-317/14) (1)
((Nuqqas ta’ Stat li jwettaq obbligu - Artikolu 45 TFUE - Regolament (UE) Nru 492/2011 - Moviment liberu tal-ħaddiema - Aċċess għall - impjiegi - Servizz pubbliku lokali - Konoxxenzi lingwistiċi - Modalità ta’ prova))
(2015/C 107/18)
Lingwa tal-kawża: il-Franċiż
Partijiet
Rikorrenti: Il-Kummissjoni Ewropea (rappreżentanti: J. Enegren u D. Martin, aġenti)
Konvenut: Ir-Renju tal-Belġju (rappreżentanti: L. Van den Broeck, J. Van Holm u M. Jacobs, aġenti)
Dispożittiv
1) |
Billi rrikjeda mill-kandidati għall-postijiet fid-dipartimenti lokali stabbiliti fir-reġjuni tal-lingwa Franċiża jew tal-lingwa Ġermaniża, li fir-rigward tagħhom ma jkunx jirriżulta mid-diplomi jew miċ-ċertifikati rikjesti li huma segwew it-tagħlim bil-lingwa kkonċernata, li huma jipproduċu l-prova tal-konoxxenzi lingwistiċi tagħhom permezz ta’ tip wieħed ta’ ċertifikat, maħruġ esklużivament minn organu uffiċjali Belġjan wieħed wara eżami organizzat minn dan l-organu fit-territorju Belġjan, ir-Renju tal-Belġju naqas mill-obbligi tiegħu skont l-Artikolu 45 TFUE u r-Regolament (UE) Nru 492/2011 tal-Parlament Ewropew u tal-Kunsill, tal-5 ta’ April 2011, dwar il-moviment liberu tal-ħaddiema fi ħdan l-Unjoni. |
2) |
Ir-Renju tal-Belġju huwa kkundannat għall-ispejjeż. |