—

naqset milli tinkludi l-integralità tat-territorji taż-żoni importanti għall-konservazzjoni tal-għasafar fiż-żona ta’ Protezzjoni Speċjali li tkopri r-reġjun ta’ Kaliakra, ir-Repubblika tal-Bulgarija ma kklassifikatx bħala żona ta’ protezzjoni speċjali t-territorji l-iktar xierqa f’termini ta’ numru u ta’ daqs għall-konservazzjoni, minn naħa, ta’ speċi bijoloġiċi msemmija fl-Anness I tad-Direttiva 2009/147/KE tal-Parlament Ewropew u tal-Kunsill, tat-30 ta’ Novembru 2009, dwar il-konservazzjoni tal-għasafar selvaġġi u, min-naħa l-oħra, ta’ speċi migratorji mhux inklużi f’dan l-anness, iżda li jaslu regolarment fiż-żona ġeografika marittima u terrestri ta’ applikazzjoni ta’ din id-direttiva u b’hekk naqset milli twettaq l-obbligi tagħha taħt l-Artikolu 4(1) u (2) tal-imsemmija direttiva;

—

approvat it-twettiq tal-proġetti “AES Geo Energy”, “Disib” u “Longman Investment” fuq it-territorju taż-żona importanti għall-konservazzjoni tal-għasafar li tkopri r-reġjun ta’ Kaliakra li ma ġietx ikklassifikata bħala żona ta’ protezzjoni speċjali meta fil-fatt kellha tkun hekk ikklassifikata, ir-Repubblika tal-Bulgarija naqset milli twettaq l-obbligi tagħha taħt l-Artikolu 4(4) tad-Direttiva 2009/147;

—

approvat it-twettiq tal-proġetti Kaliakra Wind Power”, “EVN Enertrag Kavarna” u “Vertikal – Petkov & Cie” kif ukoll “Thracian Cliffs Golf & Spa Resort” fuq it-territorji rispettivament, taż-żoni ta’ protezzjoni speċjali tar-reġjun ta’ Kaliakra u ta’ Belite skali, ir-Repubblika tal-Bulgarija naqset milli twettaq l-obbligi tagħha taħt l-Artikolu 6(2) tad-Direttiva tal-Kunsill 92/43/KEE, tal-21 ta’ Mejju 1992, dwar il-konservazzjoni tal-habitat naturali u tal-fawna u l-flora selvaġġa;

—

naqset, minn naħa, milli tevalwa korrettament l-effett kumulattiv tal-proġetti “Windtech”, “Brestiom”, “Eco Energy” u “Longman Investment” fuq it-territorju taż-żona importanti għall-konservazzjoni li tkopri r-reġjun ta’ Kaliakra li ma ġietx ikklassifikata bħala żona ta’ protezzjoni speċjali meta kellha tkun hekk ikklassifikata, u madankollu awtorizzat, min-naħa l-oħra, it-twettiq tal-proġett “Longman Investment”, dan l-Istat Membru naqas milli jwettaq l-obbligi tiegħu, rispettivament, minn naħa taħt l-Artikolu 4(2) u (3) tad- Direttiva 2011/92/UE tal-Parlament Ewropew u tal-Kunsill, tat-13 ta’ Diċembru 2011, dwar l-istima tal-effetti ta’ ċerti proġetti pubbliċi u privati fuq l-ambjent, kif ukoll taħt l-Anness III, punt 1(b) tagħha, u, min-naħa l-oħra, taħt l-Artikolu 2(1) ta’ din id-direttiva.