|
26.10.2015 |
MT |
Il-Ġurnal Uffiċjali tal-Unjoni Ewropea |
C 354/7 |
Sentenza tal-Qorti tal-Ġustizzja (Ir-Raba’ Awla) tat-3 ta’ Settembru 2015 (talba għal deċiżjoni preliminari tal-Fővárosi Törvényszék – l-Ungerija) – Iron & Smith kft vs Unilever NV
(Kawża C-125/14) (1)
((Rinviju għal deċiżjoni preliminari - Trade mark - Reġistrazzjoni ta’ trade mark nazzjonali identika jew simili għal trade mark Komunitarja preċedenti - Trade mark Komunitarja li għandha reputazzjoni fl-Unjoni Ewropea - Portata ġeografika tar-reputazzjoni))
(2015/C 354/07)
Lingwa tal-kawża: l-Ungeriż
Qorti tar-rinviju
Fővárosi Törvényszék
Partijiet fil-kawża prinċipali
Rikorrenti: Iron & Smith kft
Konvenuta: Unilever NV
Dispożittiv
|
1) |
L-Artikolu 4(3) tad-Direttiva 2008/95/KE tal-Parlament Ewropew u tal-Kunsill, tat-22 ta’ Ottubru 2008, biex jiġu approssimati l-liġijiet tal-Istati Membri dwar it-trade marks, għandu jiġi interpretat fis-sens li, peress li r-reputazzjoni ta’ trade mark Komunitarja preċedenti hija stabbilita fuq parti sostanzjali tat-territorju tal-Unjoni Ewropea, li tista’, jekk ikun il-każ, tikkoinċidi mat-territorju ta’ Stat Membru wieħed biss li ma għandux neċessarjament ikun dak fejn ġiet ippreżentata applikazzjoni għar-reġistrazzjoni ta’ trade mark nazzjonali sussegwenti, għandu jiġi kkunsidrat li din it-trade mark tgawdi minn reputazzjoni fl-Unjoni Ewropea. Il-kriterji li ġew stabbiliti mill-ġurisprudenza li jikkonċernaw l-użu ġenwin tat-trade mark Komunitarja ma humiex, bħala tali, rilevanti biex tiġi stabbilita l-eżistenza ta’ “reputazzjoni” fis-sens tal-Artikolu 4(3) ta’ din id-direttiva. |
|
2) |
Peress li t-trade mark Komunitarja preċedenti diġà kisbet reputazzjoni f’parti sostanzjali tat-territorju tal-Unjoni Ewropea, iżda mhux mingħand il-pubbliku rilevanti tal-Istat Membru li fih saret applikazzjoni għar-reġistrazzjoni tat-trade mark nazzjonali sussegwenti, ikkonċernata mill-oppożizzjoni, il-proprjetarju tat-trade mark Komunitarja jista’ jibbenefika mill-protezzjoni stabbilita fl-Artikolu 4(3) tad-Direttiva 2008/95 meta jidher li parti kummerċjalment sinjifikanti tal-imsemmi pubbliku jagħraf din it-trade mark, jistabbilixxi rabta bejn din u t-trade mark nazzjonali sussegwenti, u li teżisti, billi jittieħdu inkunsiderazzjoni l-fatturi kollha rilevanti tal-każ inkwistjoni, jew ħsara effettiva u attwali għat-trade mark Komunitarja, skont din id-dispożizzjoni, jew, fin-nuqqas ta’ dan, ikun ta’ probabbiltà serja li tali ħsara ser tiġri fil-futur. |