15.9.2014

Il-Ġurnal Uffiċjali tal-Unjoni Ewropea

C 315/73

Sentenza tat-Tribunal għas-Servizz Pubbliku (It-Tielet Awla) tat-2 ta’ Ġunju 2014 – Da Cunha Almeida vs Il-Kummissjoni

(Kawża F-5/13) (1)

((Servizz pubbliku - Kompetizzjoni ġenerali - Nuqqas ta’ inklużjoni fil-lista ta’ riżerva - Test ta’ raġunament verbali - Eċċezzjoni ta’ illegalità tal-avviż ta’ kompetizzjoni - Għażla tat-tieni lingwa fost tliet lingwi - Prinċipju ta’ nondiskriminazzjoni))

2014/C 315/122

Lingwa tal-kawża: l-Ingliż

Partijiet

Rikorrent: Paulo Jorge da Cunha Almeida (Brussell, il-Belġju) (rappreżentanti: J. Grayston, solicitor, G. Pandey u M. Gambardella, avukati)

Konvenuta: Il-Kummissjoni Ewropea (rappreżentanti: J. Currall u B. Eggers, aġenti)

Suġġett

Talba għall-annullament tad-deċiżjoni li r-rikorrent ma jiġix inkluż fil-lista ta’ riżerva tal-kompetizzjoni EPSO/AD/205/10.

Dispożittiv

Id-Deċiżjoni tal-Bord tal-Għażla tal-kompetizzjoni EPSO/AD/205/10, tad-9 ta’ Marzu 2012, trażmessa permezz tal-Uffiċċju Ewropew għas-Selezzjoni tal-Persunal, li tiċħad it-talba ta’ eżami mill-ġdid ta’ P. J. Da Cunha Almeida, wara l-eżklużjoni tiegħu mil-lista ta’ riżerva tal-kompetizzjoni permezz ta’ deċiżjoni tat-23 ta’ Diċembru 2011, hija annullata.

2)	Il-kumplament tar-rikors huwa miċħud.

3)	Il-Kummissjoni Ewropea għandha tbati l-ispejjeż tagħha stess u hija kkundannata għall-ispejjeż sostnuti minn P. J. Da Cunha Almeida.

(1) ĠU C 123, 27.04.2013, p. 29.