|
23.11.2013 |
MT |
Il-Ġurnal Uffiċjali tal-Unjoni Ewropea |
C 344/44 |
Talba għal deċiżjoni preliminari mressqa mill-Consiglio di Stato (l-Italja) fit-23 ta’ Awwissu 2013 — Stanley International Betting Ltd u Stanleybet Malta Ltd vs Ministero dell’Economia e delle Finanze e Agenzia delle Dogane e dei Monopoli di Stato
(Kawża C-463/13)
2013/C 344/76
Lingwa tal-kawża: it-Taljan
Qorti tar-rinviju
Consiglio di Stato
Partijiet fil-kawża prinċipali
Rikorrenti: Stanley International Betting Ltd, Stanleybet Malta Ltd
Konvenuti: Ministero dell’Economia e delle Finanze, Agenzia delle Dogane e dei Monopoli di Stato
Domandi preliminari
|
(1) |
L-Artikoli 49 et seq, u 56 et seq TFUE, kif ukoll il-prinċipji ddikjarati mill-Qorti tal-Ġustizzja tal-Unjoni Ewropea fis-sentenza tas-16 ta’ Frar 2012, Costa u Cifone (C-72/10 u C-77/10, li għadha ma ġietx ippubblikata fil-Ġabra), għandhom jiġu interpretati fis-sens li jipprekludu li konċessjonijiet ta’ tul li jkun inqas minn dak ta’ konċessjonijiet mogħtija preċedentement ikunu s-suġġett ta’ sejħa għall-offerti, meta din tal-aħħar tkun organizzata sabiex jiġu rrimedjati l-konsegwenzi li jirriżultaw mill-illegalità tal-esklużjoni ta’ ċertu numru ta’ operaturi mis-sejħiet għall-offerti. |
|
(2) |
L-Artikoli 49 et seq, u 56 et seq TFUE, kif ukoll il-prinċipji ddikjarati mill-Qorti tal-Ġustizzja tal-Unjoni Ewropea fis-sentenza tas-16 ta’ Frar 2012, Costa u Cifone (C-72/10 u C-77/10, li għadha ma ġietx ippubblikata fil-Ġabra), għandhom jiġu interpretati fis-sens li jipprekludu li l-eżiġenza ta’ organizzazjoni mill-ġdid tas-sistema permezz ta’ allinjament ratione temporis tal-iskadenzi tal-konċessjonijiet tikkostitwixxi ġustifikazzjoni kawżali xierqa għat-tul imnaqqas tal-konċessjonijiet li huma s-suġġett ta’ sejħa għall-offerti meta mqabbla mat-tul tal-konċessjonijiet mogħtija fl-imgħoddi? |