23.2.2013 |
MT |
Il-Ġurnal Uffiċjali tal-Unjoni Ewropea |
C 55/22 |
Rikors ippreżentat fis-27 ta’ Diċembru 2012 — National Iranian Tanker Company vs Il-Kunsill
(Kawża T-565/12)
2013/C 55/39
Lingwa tal-kawża: l-Ingliż
Partijiet
Rikorrenti: National Iranian Tanker Company (Teheran, l-Iran) (rappreżentanti: R. Chandrasekera, S. Ashley, C. Murphy, Solicitors, u M. Lester, Barrister)
Konvenut: Il-Kunsill tal-Unjoni Ewropea
Talbiet
— |
tannulla d-Deċiżjoni tal-Kunsill 2012/635/PESK, tal-15 ta’ Ottubru 2012 (1) u r-Regolament ta’ Implimentazzjoni tal-Kunsill (UE) Nru 945/2012, tal-15 ta’ Ottubru 2012 (2), sa fejn dawk il-miżuri japplikaw għar-rikorrenti; |
— |
tordna li l-annullament għandu jkollu effett immedjat u ma jiġix sospiż. |
— |
tikkundanna lill-konvenut għall-ispejjeż tar-rikorrenti. |
Motivi u argumenti prinċipali
Insostenn tar-rikors tagħha, ir-rikorrenti tinvoka erba’ motivi.
(1) |
L-ewwel motiv huwa bbażat fuq l-allegazzjoni li peress li ma ġie sodisfatt l-ebda wieħed mill-kriterji legali għall-inklużjoni tar-rikorrenti fil-lista, il-Kunsill wettaq żball manifest meta kkunsidra li kien ġie sodisfatt kull kriterju għall-inklużjoni u li ma teżisti l-ebda bażi legali jew fattwali valida għall-inklużjoni tagħha. |
(2) |
It-tieni motiv huwa bbażat fuq l-allegazzjoni li l-Kunsill naqas milli jipprovdi raġunijiet adegwati jew suffiċjenti għall-inklużjoni tar-rikorrenti. |
(3) |
It-tielet motiv huwa bbażat fuq l-allegazzjoni li l-Kunsill naqas milli jiżgura d-drittijiet tad-difiża tar-rikorrenti u d-dritt tagħha għal stħarriġ ġudizzjarju effettiv. |
(4) |
Ir-raba’ motiv huwa bbażat fuq l-allegazzjoni li d-Deċiżjoni tal-Kunsill dwar l-inklużjoni tar-rikorrenti kisret, mingħajr ġustifikazzjoni jew proporzjoni, id-drittijiet fundamentali tar-rikorrenti, inkluż id-drittjiet tagħha għall-proprjetà, għan-negozju, u għar-reputazzjoni. |
(1) Deċiżjoni tal-Kunsill 2012/635/PESK, tal-15 ta’ Ottubru 2012, li temenda d-Deċiżjoni 2010/413/PESK dwar miżuri restrittivi kontra l-Iran (ĠU L 282, p. 58).
(2) Regolament ta’ Implimentazzjoni tal-Kunsill (UE) Nru 945/2012, tal-15 ta’ Ottubru 2012, li jimplimenta r-Regolament (UE) Nru 267/2012 dwar miżuri restrittivi kontra l-Iran (ĠU L 282, p. 16).