1.12.2012 |
MT |
Il-Ġurnal Uffiċjali tal-Unjoni Ewropea |
C 373/8 |
Rikors ippreżentat fil-25 ta’ Settembru 2012 — Württembergische Gemeinde-Versicherung vs Il-Kummissjoni
(Kawża T-421/12)
2012/C 373/14
Lingwa tal-kawża: il-Ġermaniż
Partijiet
Rikorrenti: Württembergische Gemeinde-Versicherung a. G. (Stuttgart, il-Ġermanja) (rappreżentanti: A. Birnstiel, H. Heinrich u J.-O. Schrotz, avukati)
Konvenuta: Il-Kummissjoni Ewropea
Talbiet tar-rikorrenti
— |
tannulla d-deċiżjoni kkontestata tal-Kummissjoni Ewropea tas-17 ta’ Lulju 2012, li tirrifjuta t-talba tar-rikorrenti, skont ir-Regolament (KE) Nru 1049/2001 (1), sabiex tingħata aċċess għal dokumenti partikolari ta’ proċedura dwar akkordju (COMP/39.125 — Carglass); |
— |
tikkundanna lill-konvenuta tbati l-ispejjeż tagħha u kif ukoll dawk tar-rikorrenti. |
Motivi u argumenti prinċipali
Insostenn tar-rikors tagħha, ir-rikorrenti ssostni erba’ motivi.
(1) |
L-ewwel motiv: nuqqas ta’ eżami tad-dokumenti individwali indikati fit-talba Permezz tal-ewwel motiv, ir-rikorrenti ssostni li d-deċiżjoni ma hijiex ibbażata fuq eżami konkret u individwali ta’ kull dokument partikolari. Fil-fehma tar-rikorrenti, id-deċiżjoni kkontestata hija bbażata fuq il-kunsiderazzjoni legalment żbaljata li fil-każ ineżami hemm preżunzjoni ġenerali għall-applikazzjoni ta’ eċċezzjoni. |
(2) |
It-tieni motiv: ksur tal-obbligu ta’ motivazzjoni Fil-kuntest ta’ dan il-motiv, ir-rikorrenti ssostni li l-Kummissjoni, fid-deċiżjoni tagħha, immotivat iċ-ċaħda integrali tat-talba tagħha permezz ta’ kunsiderazzjonijiet ġenerali biss u, għaldaqstant, b’mod insuffiċjenti. Skont ir-rikorrenti, dan jammonta għal ksur tal-obbligu ta’ motivazzjoni u, konsegwentement, għal nuqqas ta’ osservanza tar-rekwiżiti proċedurali sostanzjali. |
(3) |
It-tielet motiv: żball ta’ liġi fl-interpretazzjoni u fl-applikazzjoni tal-ewwel u t-tielet inċiż tal-Artikolu 4(2) tar-Regolament Nru 1049/2001 Permezz tat-tielet motiv, ir-rikorrenti ssostni li l-interpretazzjoni u l-applikazzjoni min-naħa tal-Kummissjoni tal-eċċezzjonijiet taħt l-ewwel u t-tielet inċiż tal-Artikolu 4(2) tar-Regolament Nru 1049/2001 kienu vvizzjati fid-dritt. Fil-fehma tar-rikorrenti, il-Kummissjoni tapplika ħażin ir-relazzjoni regola-eċċezzjoni u tibbaża ruħha fuq interpretazzjoni wisq wiesgħa tal-“ħarsien ta’ l-iskop ta’ ispezzjonijiet” u tal-kunċett tal-“interessi kummerċjali”. |
(4) |
Ir-raba’ motiv: nuqqas li jittieħed inkunsiderazzjoni l-fatt li l-applikazzjoni tad-dritt tal-kompetizzjoni, li jaqa’ taħt id-dritt privat, hija ta’ interess pubbliku fis-sens tal-Artikolu 4(2) tar-Regolament Nru 1049/2001 Permezz tar-raba’ motiv, ir-rikorrenti tirrileva li l-Kummissjoni inġustament ċaħdet li hemm interess pubbliku prevalenti għall-iżvelar tad-dokumenti mitluba. Skont ir-rikorrenti, il-Kummissjoni kellha tikkunsidra, b’mod partikolari fl-ambitu tal-evalwazzjoni tal-interessi, li anki l-applikazzjoni tad-dritt tal-kompetizzjoni, li jaqa’ taħt id-dritt privat, tirrapreżenta interess pubbliku fis-sens tal-Artikolu 4(2) tar-Regolament Nru 1049/2001. |
(1) Regolament (KE) Nru 1049/2001 tal-Parlament Ewropew u tal-Kunsill, tat-30 ta’ Mejju 2001, dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU Edizzjoni speciali bil-Malti, Kapitolu 1, Vol. 3, p. 331).