|
4.5.2013 |
MT |
Il-Ġurnal Uffiċjali tal-Unjoni Ewropea |
C 129/20 |
Digriet tal-Qorti Ġenerali tas-7 ta’ Marzu 2013 — Henkel u Henkel France vs Il-Kummissjoni
(Kawża T-64/12) (1)
(Rikors għal annullament - Talba intiża għat-trażmissjoni lill-Awtorità tal-kompetizzjoni Franċiża ta’ ċerti dokumenti li jifformaw parti mill-fajl tal-Kummissjoni dwar proċeduri fil-qasam tal-kompetizzjoni li jirrigwardaw is-suq Ewropew tal-produtturi tad-deterġenti domestiċi - Użu fil-kuntest ta’ proċeduri nazzjonali dwar is-settur tad-deterġenti fi Franza - Assenza ta’ interess ġuridiku - Inammissibbiltà)
2013/C 129/41
Lingwa tal-kawża: l-Ingliż
Partijiet
Rikorrenti: Henkel AG & Co. KGaA (Düsseldorf, il-Ġermanja) u Henkel France (Boulogne-Billancourt, Franza) (rappreżentanti: R. Polley, T. Kuhn, F. Brunet u É. Paroche, avukati)
Konvenuta: Il-Kummissjoni Ewropea (rappreżentanti: N. Khan u P. Van Nuffel, aġenti)
Suġġett
Minn naħa, talba għall-annullament tad-deċiżjoni li allegatament tinsab f’ittra tal-Kummissjoni tas-7 ta’ Diċembru 2011 (Każ COMP/39.579 — Deterġenti domestiċi — u Każ 09/0007 F) li permezz tagħha din irrifjutat li tilqa’ t-talba tar-rikorrenti intiża għat-trażmissjoni lill-Awtorità tal-kompetizzjoni (Franza), fil-kuntest tal-Każ 09/0007 F dwar is-settur Franċiż tad-deterġenti, ta’ diversi dokumenti prodotti fil-Każ COMP/39.579 u, min-naħa l-oħra, talba intiża sabiex il-Qorti Ġenerali tordna lill-Kummissjoni tawtorizza lir-rikorrenti jinvokaw id-dokumenti inkwistjoni fil-proċeduri quddiem l-Awtorità tal-kompetizzjoni jew quddiem il-qorti Franċiża kompetenti fil-kuntest ta’ rikors kontra d-deċiżjoni tagħha u tieħu kull miżura xierqa oħra.
Dispożittiv
|
(1) |
Ir-rikors huwa miċħud. |
|
(2) |
Ma hemmx lok li tingħata deċiżjoni dwar it-talba għal intervent ta’ Unilever PLC u ta’ Unilever NV. |
|
(3) |
Henkel AG & Co. KGaA u Henkel France għandhom ibatu l-ispejjeż tagħhom kif ukoll dawk sostnuti mill-Kummissjoni Ewropea. |