20.10.2012   

MT

Il-Ġurnal Uffiċjali tal-Unjoni Ewropea

C 319/2

Appell ippreżentat fis-16 ta’ Mejju 2012 minn FLS Plast A/S mis-sentenza tal-Qorti Ġenerali (Ir-Raba’ Awla) tas-6 ta’ Marzu 2012 fil-Kawża T-64/06, FLS PLAST A/S vs Il-Kummissjoni Ewropea

(Kawża C-243/12 P)

2012/C 319/02

Lingwa tal-kawża: l-Ingliż

Partijiet

Appellanti: FLS Plast A/S (rappreżentant: M. Thill-Tayara, avukat)

Parti oħra fil-proċedura: Il-Kummissjoni Ewropea

Talbiet tal-appellant

(a)

prinċipalment, tannulla s-sentenza tal-Qorti Ġenerali tal-Unjoni Ewropea tas-6 ta’ Marzu 2012 fil-Kawża T-64/06 u, li tiddeċiedi l-kawża, sabiex tannulla l-Artikoli 1(h) u 2(f) tad-deċiżjoni tal-Kummissjoni tal-Komunitajiet Ewropej tat-30 ta’ Novembru 2005 Każ COMP/F/38.354 — Boroż Industrijali (“id-Deċiżjoni kkontestata”), safejn japplikaw dawn għall-appellanti.

(b)

sussidjarjament, tannulla s-sentenza tal-Qorti Ġenerali tal-Unjoni Ewropea tas-6 ta’ Marzu 2012 fil-Kawża T-64/06 safejn din ċaħdet il-motivi tal-appellanti intiżi sabiex jinkiseb tnaqqis tal-ammont li għalih l-appellanti inżammet responsabbli in solidum fid-deċiżjoni kkontestata u, li tiddeċiedi l-kawża, sabiex temenda l-Artikolu 2(f) tad-deċiżjoni kkontestata u sostanzjalment tnaqqas dan l-ammont fl-eżerċizzju tal-ġurisdizzjoni illimitata tagħha.

(ċ)

fi kwalunkwe każ, tagħti lill-appellanti tnaqqis ta’ 50 % tal-ammont li għalih l-appellanti inżammet responsabbli in solidum bħala kumpens għad-danni għad-dewmien eċċessiv tal-proċedura.

(d)

tikkundanna lill-Kummissjoni Ewropea għall-ispejjeż kollha relatati ma’ din il-pendenza.

Aggravji u argumenti prinċipali

(a)

Insostenn tat-talba prinċipali, l-appellanti tinvoka żewġ aggravji

(i)

Il-Qorti Ġenerali applikat kriterju legali żbaljat għar-responsabbiltà tal-appellanti.

(ii)

Il-Qorti Ġenerali naqset milli tivverifika jekk il-Kummissjoni osservatx l-obbligu tagħha ta’ motivazzjoni meta ċaħdet l-argumenti u l-provi ppreżentati mill-appellanti sabiex tikkonfuta l-preżunzjoni ta’ responsabbiltà ta’ kumpannija parent.

(b)

Insostenn tat-talba sussidjarja, l-appellanti tinvoka tliet aggravji

(i)

Fl-eżami tan-nuqqas ta’ kontestazzjoni tal-fatti ppreżentati mill-appellanti, skont il-Komunikazzjoni tal-Kummissjoni dwar in-nuqqas ta’ impożizzjoni jew it-tnaqqis tal-multi tal-1996, il-Qorti Ġenerali wettqet żball meta naqset milli ttemm il-ksur mill-Kummissjoni Ewropea tal-prinċipji ta’ aspettattivi leġittimi u ta’ trattament ugwali, kif ukoll billi ma kkonformatx ruħha mal-obbligu tagħha stess ta’ motivazzjoni.

(ii)

Il-Qorti Ġenerali wettqet żball ta’ liġi meta naqset milli tapplika l-prinċipju ta’ proporzjonalità u legalità meta rrevediet l-ammont li għalih l-appellanti inżammet responsabbli in solidum fid-Deċiżjoni Kkontestata, u b’hekk naqset milli tnaqqas dan l-ammont xieraq.

(iii)

Il-Qorti Ġenerali kisret l-Artikolu 6(1) tal-Konvenzjoni Ewropea dwar id-Drittijiet tal-Bniedem u l-Artikoli 41 u 47 tal-Karta tad-Drittijiet Fondamentali tal-Unjoni Ewropea billi ma tatx sentenza fi żmien raġonevoli.