26.5.2012 |
MT |
Il-Ġurnal Uffiċjali tal-Unjoni Ewropea |
C 151/20 |
Talba għal deċiżjoni preliminari mressqa mit-Tribunal do Trabalho do Porto (il-Portugall) fit-8 ta’ Marzu 2012 — Sindicato dos Bancários do Norte et vs BPN — Banco Português de Negócios, SA
(Kawża C-128/12)
2012/C 151/35
Lingwa tal-kawża: il-Portugiż
Qorti tar-rinviju
Tribunal do Trabalho do Porto
Partijiet fil-kawża prinċipali
Rikorrenti: Sindicato dos Bancários do Norte, Sindicato dos Bancários do Centro, Sindicato dos Bancários do Sul e Ilhas, Luís Miguel Rodrigues Teixeira de Melo
Konvenut: BPN — Banco Português de Negócios, SA
Domandi preliminari
(1) |
Il-prinċipju ta’ trattament ugwali li minnu tirriżulta l-projbizzjoni ta’ diskriminazzjoni għandu jiġi interpretat fis-sens li japplika għal ħaddiema tas-settur pubbliku? |
(2) |
It-tnaqqis tas-salarji impost mill-Istat, permezz tal-Liġi dwar il-finanzi għall-2011, li japplika unikament għall-ħaddiema li jeżerċitaw il-funzjonijiet tagħhom fis-settur pubbliku jew fl-impriżi pubbliċi, imur kontra l-prinċipju ta’ projbizzjoni ta’ kull diskriminazzjoni, inkwantu dan jkkostitwixxi diskriminazzjoni bbażata fuq in-natura pubblika tar-relazzjoni ta’ impjieg? |
(3) |
Id-dritt għal kundizzjonjiet tax-xogħol li jirrispettaw id-dinjità tal-ħaddiem, previst fl-Artikolu 31(1) tal-Karta tad-Drittijiet Fundamental tal-Unjoni Ewropea (1), għandu jiġi interpretat fis-sens li huwa pprojbit li titnaqqas ir-remunerazzjoni tal-ħaddiem, mingħajr il-kunsens tiegħu, jekk il-kuntratt ma jiġix emendat? |
(4) |
Id-dritt għal kundizzjonijiet tax-xogħol li jirrispettaw id-dinjità tal-ħaddiem, previst fl-Artikolu 31(1) tal-Karta tad-Drittijiet Fundamentali tal-Unjoni Ewropea, għandu jiġi interpretat fis-sens li jikkorrispondi għad-dritt għal remunerazzjoni ekwa li tiżguralu, kif ukoll lill-familja tiegħu, livell ta’ ħajja sodisfaċenti? |
(5) |
Sa fejn ma jikkostitwixxix l-unika miżura possibbli, neċessarja u fundamentali għall-isforz li jiġu kkonsolidati l-finanzi pubbliċi fis-sitwazzjoni ta’ kriżi ekonomika u finanzjarja gravi li hija mifruxa mal-pajjiż, it-tnaqqis tas-salarji jmur kontra d-dritt iċċitat iktar ’il fuq previst fl-Artikolu 31(1) tal-Karta tad-Drittijiet Fundamentali tal-UE inkwantu dan jikkomprometti l-livell tal-għajxien u l-impenji finanzjarji meħuda mill-ħaddiema u l-familja tagħhom qabel dan it-tnaqqis? |
(6) |
Sa fejn il-ħaddiema la setgħu jipprevedu u lanqas jistennew dan, it-tnaqqis tas-salarji, kif impost mill-Istat Portugiż, imur kontra d-dritt ta’ dawn il-ħaddiema għal kundizzjonijiet tax-xogħol li jirrispettaw id-dinjità tagħhom? |
(1) ĠU C 364, p. 1