12.5.2012 |
MT |
Il-Ġurnal Uffiċjali tal-Unjoni Ewropea |
C 138/4 |
Talba għal deċiżjoni preliminari mressqa mit-Tribunal da Relação de Guimarães (il-Portugall) fit-22 ta’ Marzu 2012 — Domingos Freitas u Maria Adília Monteiro Pinto vs Companhia de Seguros Allianz Portugal SA
(Kawża C-96/12)
(2012/C 138/06)
Lingwa tal-kawża: il-Portugiż
Qorti tar-rinviju
Tribunal da Relação de Guimarães
Partijiet fil-kawża prinċipali
Rikorrenti: Domingos Freitas u Maria Adília Monteiro Pinto
Konvenuta: Companhia de Seguros Allianz Portugal SA
Domanda preliminari
(1) |
F’aċċident tat-traffiku li jinvolvi vettura bil-mutur u rota misjuqa minn minuri li jikkawża danni fiżiċi u materjali lil dan tal-aħħar, il-fatt li jiġi eskluż jew imnaqqas il-kumpens għal dawn id-danni jekk l-aċċident huwa kkawżat mill-aġir taċ-ċiklist, huwa kuntrarju jew le għad-dritt Komunitarju, u b’mod partikolari għall-Artikolu 3(1) tal-Ewwel Direttiva 72/166/KEE (1), għall-Artikolu 2(1) tat-Tieni Direttiva 84/5/KEE (2) u għall-Artikolu 1a tat-Tielet Direttiva 90/232/KEE (3), inserit permezz tal-Artikolu 4 tal-Ħames Direttiva 2005/14/KE (4) — liema direttivi kollha jirrigwardaw l-assigurazzjoni kontra r-responsabbiltà ċivili fir-rigward tal-użu ta’ vetturi bil-mutur — fid-dawl tal-ġurisprudenza tal-Qorti tal-Ġustizzja dwar iċ-ċirkustanzi li fihom huwa possibbli li jiġi limitat il-kumpens fuq il-bażi tal-assigurazzjoni obbligatorja kontra r-responsabbiltà fir-rigward tal-użu ta’ vetturi bil-mutur? |
(1) Direttiva tal-Kunsill, tal-24 ta’ April 1972, dwar l-approssimazzjoni tal-liġijiet tal-Istati Membri li għandhom x’jaqsmu ma’ assigurazzjoni kontra responsabbiltà ċivili fir-rigward tal-użu ta’ vetturi bil-mutur u l-infurzar tal-obbligu ta’ assigurazzjoni kontra din ir-responsabbiltà (ĠU Edizzjoni Speċjali bil-Malti, Kapitolu 6, Vol. 1, p. 10).
(2) It-Tieni Direttiva tal-Kunsill, tat-30 ta’ Diċembru 1983, dwar l-approssimazzjoni tal-liġijiet tal-Istati Membri li għandhom x’jaqsmu ma’ assigurazzjoni kontra r-responsabbiltà ċivili fir-rigward tal-użu ta’ vetturi bil-mutur (ĠU Edizzjoni Speċjali bil-Malti, Kapitolu 6, Vol. 7, p. 3).
(3) It-Tielet Direttiva tal-Kunsill, tal-14 ta’ Mejju 1990, dwar l-approssimazzjoni tal-liġijiet tal-Istati Membri li għandhom x’jaqsmu ma’ assigurazzjoni kontra r-responsabbiltà ċivili fir-rigward tal-użu ta’ vetturi bil-mutur (ĠU Edizzjoni Speċjali bil-Malti, Kapitolu 6, Vol. 1, p. 249).
(4) Id-Direttiva 2005/14/KE tal-Parlament Ewropew u tal-Kunsill, tal-11 ta’ Mejju 2005, li temenda d-Direttivi tal-Kunsill 72/166/KEE, 84/5/KEE, 88/357/KEE u 90/232/KEE u d-Direttiva 2000/26/KE tal-Parlament Ewropew u tal-Kunsill dwar l-assigurazzjoni kontra r-responsabbiltà ċivili fir-rigward tal-użu ta’ vetturi bil-mutur (ĠU L 149, p. 14).