28.1.2012 |
MT |
Il-Ġurnal Uffiċjali tal-Unjoni Ewropea |
C 25/70 |
Rikors ippreżentat fit-8 ta’ Novembru 2011 — ZZ vs Il-Kummissjoni
(Kawża F-117/11)
(2012/C 25/136)
Lingwa tal-kawża: il-Franċiż
Partijiet
Rikorrent: ZZ (rappreżentant: L. Vogel, avukat)
Konvenuta: Il-Kummissjoni Ewropea
Suġġett
L-annullament tad-deċiżjoni tal-Uffiċċju tal-Amministrazzjoni u l-Likwidazzjoni tad-drittijiet individwali li tistabilixxi d-drittijiet għall-pensjoni ta’ irtirar tar-rikorrent u tal-kalkolu ta’ numru ta’ snin li għandhom jiġu kkunsidrati fl-istabbiliment ta’ dawn id-drittijiet.
Talbiet tar-rikorrent
— |
tannulla d-deċiżjoni addotata mill-Awtorità tal-Ħatra fit-28 ta’ Lulju 2011, li permezz tagħha ċaħdet l-ilment li ġie ppreżentat mir-rikorrent fit-3 ta’ Ġunju 2011, għall-annullament tad-dispożizzjonijiet ġenerali ta’ implimentazzjoni tal-Artikoli 11 u 12 tal-Anness VIII tal-Istatut, adottat fit-3 Marzu 2011, u b’mod iktar partikolari tal-Artikolu 9 tal-imsemmija dispożizzjonijiet ġenerali u li l-Awtorità tal-Ħatra kkunsidrat li jmorru kontra d-deċiżjoni individwali nnotifikata lir-rikorrent fl-24 ta’ Mejju 2011, li tipproponi kalkolu ġdid ta’ annwalitajiet korrispondenti, fis-sistema tal-pensjonijiet Komunitarji, għall-ekwivalenza attwarjali tad-drittijiet tal-pensjoni magħmula mir-rikorrenti fis-sistema nazzjonali tad-dritt Belġjan; |
— |
sakemm huwa meħtieġ, tannulla wkoll id-deċiżjoni iċċitata iktar ’il fuq, tal-24 ta’ Mejju 2011, kif ukoll jekk meħtieġ skont l-Artikolu 277 tat-Trattat KEE, id-dispożizzjonijiet ġenerali ta’ implementazzjoni, tat-3 ta’ Marzu 2011, u b’mod iktar partikolari l-Artikolu 9 ta’ dawn id-dispożizzjonijiet. |
— |
tikkundanna lill-Kummissjoni Ewropea għall-ispejjeż. |