10.3.2012 |
MT |
Il-Ġurnal Uffiċjali tal-Unjoni Ewropea |
C 73/20 |
Rikors ippreżentat fit-22 ta’ Diċembru 2011 — Il-Kummissjoni Ewropea vs Ir-Renju ta’ Spanja
(Kawża C-678/11)
2012/C 73/35
Lingwa tal-kawża: l-Ispanjol
Partijiet
Rikorrenti: Il-Kummissjoni Ewropea (rappreżentanti: W. Roels u F. Jimeno Fernández, aġenti)
Konvenut: Ir-Renju ta’ Spanja
Talbiet tar-rikorrenti
— |
tikkonstata li, billi adotta u żamm fis-seħħ id-dispożizzjonijiet li jinsabu fl-Artikolu 46(c) tat-test ikkodifikat tal-Liġi li tirregola l-iskemi u l-fondi ta’ pensjonijiet, fl-Artikolu 86 tad-Digriet Irjali Leġiżlattiv Nru 6/2004, tad-29 ta’ Ottubru, li japprova r-reviżjoni tal-Liġi dwar l-organizzazzjoni u s-superviżjoni tal-assigurazzjonijiet privati, fl-Artikolu 10 tad-Digriet Irjali Leġiżlattiv Nru 5/2004 li japprova r-reviżjoni tal-Liġi dwar it-taxxa fuq id-dħul tal-persuni mhux residenti u fl-Artikolu 47 tal-Liġi Fiskali Ġenerali Nru 58/2003, tas-17 ta’ Diċembru, li skonthom il-fondi ta’ pensjoni barranin stabbiliti fi Stati Membri oħra u li jipproponu skemi ta’ rtirar professjonali fi Spanja kif ukoll il-kumpanniji tal-assigurazzjoni li joperaw fi Spanja fid-dawl tal-libertà li jiġu pprovduti servizzi, fost oħrajn, huma obbligati li jinnominaw rappreżentant fiskali residenti fi Spanja, ir-Renju ta’ Spanja naqas milli jwettaq l-obbligi tiegħu taħt l-Artikolu 56 TFUE (ex Artikolu 49 TKE) u taħt l-Artikolu 36 tal-Ftehim ŻEE |
— |
tikkundanna lir-Renju ta’ Spanja għall-ispejjeż. |
Motivi u argumenti prinċipali
(1) |
Id-dispożizzjonijiet inkwistjoni tal-leġiżlazzjoni fiskali Spanjola jobbligaw lill-persuni taxxabbli mhux residenti li jinnominaw rappreżentant fiskali residenti fi Spanja. Fil-prattika, dan l-obbligu huwa impost fuq il-fondi ta’ pensjoni barranin stabbiliti fi Stati Membri oħra u li jipproponu skemi ta’ rtirar professjonali fi Spanja kif ukoll fuq il-kumpanniji ta’ assigurazzjoni li joperaw fi Spanja fid-dawl tal-libertà li jiġu pprovduti servizzi. |
(2) |
Il-Kummissjoni tqis li l-obbligu li jiġi nnominat rappreżentant fiskali residenti fi Spanja fil-każijiet iċċitati iktar ’il fuq jikkostitwixxi ostakolu għal-libertà li jiġu pprovduti servizzi, peress li dan jimponi piż addizzjonali fuq l-entitajiet u l-persuni fiżiċi kkonċernati, li ma għandhom ebda għażla oħra ħlief li jirrikorru għas-servizzi ta’ rappreżentant. Dan jikkostitwixxi wkoll ostakolu għal-libertà li jiġu pprovduti servizzi fir-rigward tal-persuni u tal-impriżi stabbiliti fi Stati Membri oħra u li jixtiequ jipproponu servizzi ta’ rappreżentanza fiskali lil entitajiet jew lil persuni fiżiċi attivi fi Spanja. |
(3) |
Din il-leġiżlazzjoni tikser l-Artikoli 56 TFUE (ex Artikolu 49 TKE) u 36 tal-Ftehim ŻEE. |