10.3.2012   

MT

Il-Ġurnal Uffiċjali tal-Unjoni Ewropea

C 73/19

(1)

Fi proċeduri ġudizzjarji dwar dikjarazzjoni ta’ nuqqas ta’ responsabbiltà u ordni tat-trasferiment tiegħu lejn l-Istat Membru responsabbli skont l-Istat Membru fejn tkun saret l-applikazzjoni għall-ażil (Stat Membru rikjedenti), jista’ l-applikant għall-ażil jibbaża ruħu fuq il-fatt li t-trasferiment ma jkunx sar fit-terminu ta’ sitt xhur previst fl-Artikolu 19(4) tar-Regolament tal-Kunsill (KE) Nru 343/2003 tat-18 ta’ Frar 2003 (1) u għalhekk li r-responsabbiltà hija tal-Istat Membru rikjedenti?

(2)

Attentat ta’ suwiċidju, anki jekk dan ma jkunx wieħed ġenwin, li minħabba fih dan it-trasferiment lejn l-Istat Membru responsabbli ma jkunx possibbli, jikkostitwixxi ħarba fis-sens tat-tieni sentenza tal-Artikolu 19(4) tar-Regolament tal-Kunsill (KE) Nru 343/2003?

(3)

Fi proċeduri ġudizzjarji dwar dikjarazzjoni ta’ nuqqas ta’ responsabbiltà u ordni tat-trasferiment tiegħu, jista’ applikant għall-ażil jibbaża ruħu fuq trasferiment ta’ responsabbiltà taħt it-tieni sentenza tal-Artikolu 9(2) tar-Regolament tal-Kummissjoni (KE) Nru 1560/2003 tat-2 ta’ Settembru 2003 (2)?

(4)

Jekk l-Istat Membru rikjedenti jinforma lill-Istat Membru responsabbli li t-trasferiment li kien diġà ġie organizzat ġie pospost, iżda mhux li t-trasferiment ma jistax isir fit-terminu ta’ sitt xhur, dan jipprekludi t-trasferiment ta’ responsabbiltà taħt it-tieni sentenza tal-Artikolu 9(2) tar-Regolament tal-Kummissjoni (KE) Nru 1560/2003 tat-2 ta’ Settembru 2003?

(5)

L-applikant għall-ażil għandu dritt, li jista’ jinforza quddiem il-qrati, jirrikjedi li Stat Membru jeżamina t-teħid ta’ responsabbiltà taħt l-ewwel sentenza tal-Artikolu 3(2) tar-Regolament tal-Kunsill (KE) Nru 343/2003 tat-18 ta’ Frar 2003 u jinformah bir-raġunijiet tad-deċiżjoni tiegħu?