26.3.2011 |
MT |
Il-Ġurnal Uffiċjali tal-Unjoni Ewropea |
C 95/6 |
Appell ippreżentat fis-17 ta’ Jannar 2011 mir-Renju ta’ Spanja kontra s-sentenza tal-Qorti Ġenerali (It-Tmien Awla) tat-12 ta’ Novembru 2010 fil-Kawża T-113/08, Ir-Renju ta’ Spanja vs Il-Kummissjoni Ewropea
(Kawża C-24/11 P)
2011/C 95/10
Lingwa tal-kawża: l-Ispanjol
Partijiet
Appellant: Ir-Renju ta’ Spanja (rappreżentant: M. Muñoz Pérez, aġent)
Appellata: Il-Kummissjoni Ewropea
Talbiet tal-appellant
— |
tilqa’ l-appell u tannulla s-sentenza tal-Qorti Ġenerali tat-12 ta’ Novembru 2010 fil-Kawża T-113/08, Ir-Renju ta’ Spanja vs Il-Kummissjoni; |
— |
tannulla kompletament il-korrezzjonijiet finanzjarji dwar l-għajnuna għall-produzzjoni taż-żejt taż-żebbuġa mogħtija fid-Deċiżjoni tal-Kummissjoni 2008/68/KE (1), tal-20 ta’ Diċembru 2007; jew, sussidjarjament, tannulla l-korrezzjonijiet finanzjarji fil-qasam tal-produzzjoni taż-żejt taż-żebbuġa li jirrrigwardaw in-nefqiet li d-depożiti fuqhom kienu tħallasu qabel l-24 ta’ Novembru 2002, jew, sussidjarjament, tannulla l-korrezzjonijiet finanzjarji fis-settur tal-produzzjoni taż-żejt taż-żebbuġa rigward in-nefqiet li d-depożiti fuqhom kienu tħallsu qabel il-15 ta’ Lulju 2000. |
Aggravji u argumenti prinċipali
(1) |
Kontradizzjoni interna fir-raġunament li sar mill-Qorti Ġenerali u ksur tal-Artikolu 8 tar-Regolament Nru 1663/95 (2) sa fejn ġie aċċettat li l-Kummissjoni tibbaża l-korrezzjonijiet finanzjarji tagħha dwar irregolaritajiet li ma kinux speċifikati fl-ittra AGR 16844 li kkomunikat ir-riżultati tal-inkjesta HO/2002/91/ES. |
(2) |
Ksur tal-Artikoli 36 u 53 tal-Istatut tal-Qorti tal-Ġustizzja minħabba motivazzjoni insuffiċjenti tas-sentenza sa fejn ma ssemmix, u, konsegwentement, ma tiddeċidix, dwar ilment essenzjali fformulat mir-Renju ta’ Spanja fil-proċess verbali tas-seduta dwar id-determinazzjoni dies ad quem tat-terminu ta’ 24 xahar ipprovdut fl-Artikoli 5(2)(ċ) tar-Regolament Nru 729/70 (3), u 7 tar-Regolament Nru 1258/1999 (4). |
(3) |
Ksur tat-terminu ta’ 24 xahar ipprovdut fl-Artikolu 5(2)(ċ) tar-Regolament Nru 729/70 u fl-Artikolu 7 tar-Regolament Nru 1258/1999:
|
(1) Deċiżjoni li teskludi mill-finanzjament Komunitarju ċertu nefqiet magħmula mill-Istati Membri taħt it-Taqsima Garanzija tal-Fond Agrikolu Ewropew għall-Gwida u l-Garanzija (FAEGG), ĠU L 18, p. 12.
(2) Regolament tal-Kummissjoni (KEE) Nru 1663/95, tas-7 ta’ Lulju 1995, li jistabbilixxi regoli ddettaljati sabiex jiġi applikat ir-Regolament tal-Kunsill (KEE) Nru 729/70 li jirrigwarda l-proċedura għall-verifikar tal-kontijiet tat-Taqsima Garanziji tal-FAEGG, ĠU Edizzjoni Speċjali bil-Malti, Kapitolu 3, Vol. 18. p. 31.
(3) Regolament tal-Kunsill, tal-21 ta’ April 1970, dwar il-finanzjament tal-politika agrikola komuni, ĠU L 94, p. 13.
(4) Regolament tal-Kunsill, tas-17 ta’ Mejju 1999, dwar il-finanzjament tal-politika komuni agrikola, ĠU Edizzjoni Speċjali bil-Malti, Kapitolu 3, Vol. 25, p. 414.
(5) Tad-19 ta’Ġunju 2003,C-329/00, Spanja vs Il-Kummissjoni, Ġabra p. 16103.