|
9.2.2013 |
MT |
Il-Ġurnal Uffiċjali tal-Unjoni Ewropea |
C 38/7 |
Sentenza tal-Qorti tal-Ġustizzja (It-Tielet Awla) tat-13 ta’ Diċembru 2012 — Ir-Repubblika Franċiża vs Il-Parlament Ewropew
(Kawżi magħquda C-237/11 u C-238/11) (1)
(Rikors għal annullament - Dritt istituzzjonali - Kalendarju tal-perijodi ta’ sessjonijiet plenarji tal-Parlament Ewropew għas-snin 2012 u 2013 - Protokolli fuq l-iffissar tas-sedi tal-istituzzjonijiet u ta’ ċerti organi, korpi u dipartimenti tal-Unjoni Ewropea)
2013/C 38/06
Lingwa tal-kawża: il-Franċiż
Partijiet
Rikorrenti: Ir-Repubblika Franċiża (rappreżentanti: E. Belliard, G. de Bergues u A. Adam, aġenti)
Konvenuta: Il-Parlament Ewropew (rappreżentanti: C. Pennera, N. Lorenz u E. Waldherr, aġenti)
Partijiet intervenjenti insostenn tar-rikorrenti: Il-Gran Dukat tal-Lussemburgu
Suġġett
Rikors għal annullament — Deliberazzjoni tal-Parlament Ewropew tad-9 ta’ Marzu 2011, dwar il-kalendarju tal-perijodi ta’ sessjoni tal-Parlament għas sena 2012 — Kalendarju li jipprevedi ż-żamma ta’ tnejn mit-tnax-il perijodu ta’ sessjonijiet plenarji ta’ kull xahar matul l-istess ġimgħa tax-xahar ta’ Ottubru — Ksur tal Protokolli Nri 3 u 6 fuq l-iffissar tas-sedi tal-istituzzjonijiet u ta’ ċerti organi, korpi u dipartimenti tal-Unjoni Ewropea — Post tax-xogħol tal-Parlament Ewropew.
Dispożittiv
|
(1) |
Id-deliberazzjonijiet tal-Parlament Ewropew tad-9 ta’ Marzu 2011, dwar il-kalendarju tal-perijodi ta’ sessjoni tal-Parlament għas-snin 2012 u 2013, huma annullati billi dawn ma jiffissawx tnax-il perijodu ta’ sessjonijiet plenarji ta’ kull xahar fi Strasbourg għas-snin 2012 u 2013. |
|
(2) |
Il Parlament Ewropew huwa kkundannat għall ispejjeż. |
|
(3) |
Il-Gran Dukat tal-Lussemburgu għandu jbati l ispejjeż tiegħu. |