|
18.12.2010 |
MT |
Il-Ġurnal Uffiċjali tal-Unjoni Ewropea |
C 346/34 |
Talba għal deċiżjoni preliminari mressqa mill-Oberlandesgericht Celle (Il-Ġermanja) fil-15 ta’ Ottubru 2010 — Joseba Andoni Aguirre Zarraga vs Simone Pelz
(Kawża C-491/10)
()
2010/C 346/57
Lingwa tal-kawża: il-Ġermaniż
Qorti tar-rinviju
Oberlandesgericht Celle
Partijiet fil-kawża prinċipali
Rikorrenti: Joseba Andoni Aguirre Zarraga
Konvenut: Simone Pelz
Domandi preliminari
|
(1) |
Fil-kuntest ta’ interpretazzjoni tal-Artikolu 42 tar-Regolament ta’ Brussell IIa (1) skont il-Karta tad-Drittijiet Fundamentali, il-qorti tal-Istat Membru ta’ eżekuzzjoni għandha eċċezzjonalment poter ta’ stħarriġ ġudizzjarju tagħha fil-każ fejn id-deċiżjoni tal-Istat Membru ta’ oriġini li għandha tiġi infurzata hija vvizzjata bi ksur serju tad-drittijiet fundamentali? |
|
(2) |
Il-qorti tal-Istat Membru ta’ eżekuzzjoni hija marbuta teżegwixxi d-deċiżjoni tal-qorti tal-Istat Membru tal-oriġini anki jekk mill-proċess jirriżulta li ċ-ċertifikat maħruġ mill-qorti tal-Istat Membru ta’ oriġini abbażi tal-Artikolu 42 tar-Regolament ta’ Brussell IIa jinkludi dikjarazzjoni manifestament ineżatta? |
(1) Regolament tal-Kunsill (KE) Nru 2201/2003, tas-27 ta’ Novembru 2003, dwar il-ġurisdizzjoni u r-rikonoxximent u l-infurzar ta’ sentenzi fi kwistjonijiet matrimonjali u kwistjonijiet ta’ responsabbilità tal-ġenituri, u li jirrevoka r-Regolament (KE) Nru 1347/2000 (ĠU Edizzjoni Speċjali bil-Malti, Kapitolu 19, Vol. 6, p. 243)