|
11.9.2010 |
MT |
Il-Ġurnal Uffiċjali tal-Unjoni Ewropea |
C 246/35 |
Rikors ippreżentat fis-16 ta’ Lulju 2010 — Il-Kummissjoni Ewropea vs L-Irlanda
(Kawża C-356/10)
()
2010/C 246/59
Lingwa tal-kawża: l-Ingliż
Partijiet
Rikorrenti: Il-Kummissjoni Ewropea (rappreżentanti: S. Walker, D. Kukovec, aġenti)
Konvenuta: L-Irlanda
Talbiet tal-parti rikorrenti
|
— |
tiddikjara li, fil-kuntest tal-proċedura ta’ għoti mid-Department of Agriculture and Food (Dipartiment tal-Agrikoltura u tal-Ikel) ta’ kuntratt pubbliku għal provvista ta’ tikketti għall-identifikazzjoni tal-annimali, fir-rigward tal-applikazzjoni ta’ kriterji li jirrigwardaw il-kapaċità tal-offerenti li jwettaq il-kuntratt inkwistjoni li huma kriterji ta’ għotja, minflok il-kriterji ta’ għażla, l-Irlanda naqset milli twettaq l-obbligi tagħha taħt l-Artikolu 53 tad-Direttiva 2004/18/KE (1) tal-Parlament Ewropew u tal-Kunsill, tal-31 ta’ Marzu 2004, fuq kordinazzjoni ta’ proċeduri għall-għoti ta’ kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi [kuntratti pubbliċi għal xogħlijiet, għal provvisti u għal servizzi]; |
|
— |
tikkundanna lill-Irlanda għall-ispejjeż. |
Motivi u argumenti prinċipali
Il-Kummissjoni ssostni li l-kriterji ta’ għotja applikati mid-Department of Agriculture and Food jinkludu kriterji rriżervati għall-istadju tal-għażla, jiġifieri kriterji li jirrigwardaw il-kapaċità tal-offerenti li jwettaq il-kuntratt inkwistjoni u li konsegwentement l-Irlanda naqset milli twettaq l-obbligi tagħha taħt l-Artikolu 53 tad-Direttiva 2004/18/KE.
(1) ĠU Edizzjoni Speċjali bil-Malti, Kapitolu 6, Vol. 7, p. 132.