Talba għal deċiżjoni preliminari mressqa mit-Tribunale Amministrativo Regionale per la Lombardia — Sezione Terza (l-Italja) fil-5 ta’ Lulju 2010 — E.On Produzione SpA vs Autorità per l’Energia Elettrica e il Gas

(Kawża C-331/10)

()

2010/C 346/42

Lingwa tal-kawża: it-Taljan

Qorti tar-rinviju

Tribunale Amministrativo Regionale per la Lombardia — Sezione Terza

Partijiet fil-kawża prinċipali

Rikorrenti: E.On Produzione SpA

Konvenuta: Autorità per l’Energia Elettrica e il Gas

Domanda preliminari

L-Artikoli 23, 43, 49 u 56 tat-Trattat, kif ukoll l-Artikolu 11(2) u (6) u l-Artikolu 24 tad-Direttiva 54/03/KE (1) jipprekludu leġiżlazzjoni nazzjonali li, fin-nuqqas ta’ notifika lill-Kummissjoni Ewropea, timponi fuq bażi permanenti lil produtturi speċifiċi tal-elettriku li huma, f’ċerti ċirkustanzi, essenzjali sabiex tiġi sodisfatta l-ħtieġa tat-talba għas-servizzi ta’ dispaċċ, li jissottomettu offerti fuq is-swieq tal-iskambju tal-elettriku skont programmi determinati skont regoli esterni mill-operatur tan-netwerk, u li tipprevjeni lill-produttur milli jiddetermina b’mod ħieles ir-remunerazzjoni għal tali offerti billi torbot ir-remunerazzjoni ma’ parametri li ma ġewx determinati minn qabel skont “proċeduri trasparenti, mhux diskriminatorji u bbażati fuq is-suq”?

(1)  ĠU Edizzjoni Speċjali bil-Malti, Kapitolu 12, Vol. 2, p. 211.