|
3.7.2010 |
MT |
Il-Ġurnal Uffiċjali tal-Unjoni Ewropea |
C 179/21 |
Appell ippreżentat fit-28 ta’ April 2010 minn Enercon GmbH mis-sentenza tal-Qorti Ġenerali (is-Sitt Awla) tat-3 ta’ Frar 2010, fil-Kawża T-472/07 — Enercon vs L-Uffiċċju għall-Armonizzazzjoni fis-Suq Intern (Trade marks u Disinni)
(Kawża C-204/10)
(2010/C 179/36)
Lingwa tal-kawża: l-Ingliż
Partijiet
Appellanti: Enercon GmbH (rappreżentanti: J. Mellor, Barrister, R. Böhm, avukat)
Appellat: L-Uffiċċju għall-Armonizzazzjoni fis-Suq Intern (Trade marks u Disinni)
Talbiet tal-appellanti
|
— |
tilqa l-appell mis-sentenza tal-Qorti Ġenerali u tannulla l-imsemmija s-sentenza, tannulla d-deċiżjoni tar-Raba’ Bord tal-Appell u, jekk ikun il-każ, tannulla d-deċiżjoni tad-Diviżjoni tal-Oppożizzjoni; |
|
— |
(jekk ikun il-każ) tirrinvija l-kawża quddiem l-Uffiċċju għall-Armonizzazzjoni fis-Suq Intern għal kunsiderazzjoni mill-ġdid tal-kwistjonijiet dwar din l-oppożizzjoni; |
|
— |
tikkundanna lill-intervenjenti u l-Uffiċċju għall-Armonizzazzjoni fis-Suq Intern għall-ispejjeż |
Aggravji u argumenti prinċipali
L-appellanti ssostni li l-Qorti Ġenerali naqset milli tirrikonoxxi l-iżbalji fid-deċiżjoni tal-Bord tal-Appell, li kienet ibbażata fuq id-deċiżjoni illeġittima tad-Diviżjoni tal-Oppożizzjoni. Hemm, b’mod partikolari, nuqqas assolut ta’ rikonoxximent li (a) is-sentenza Medion (1) kienet tikkonċerna sitwazzjoni eċċezzjonali fejn ir-regola abitwali li tgħid li l-konsumatur medju normalment jipperċepixxi trade mark bħala impressjoni ġenerali ġiet injorata, iżda li (b) f’din il-kawża ma hemm ebda ċirkustanzi suffiċjenti li tista’ tiġġustifika tali approċċ eċċezzjonali. F’din il-kawża l-ebda element tat-trade mark preċedenti ma kellu “pożizzjoni distintiva awtonoma”.
Barra minn hekk, l-appellanti ssostni li, minħabba l-applikazzjoni inkorretta ta’ prinċipju tat-tip Medion fl-ewwel stadju tal-evalwazzjoni tax-xebh, l-evalwazzjoni globali tal-probabbiltà ta’ konfużjoni ma twettqitx b’mod korrett.