8.12.2012   

MT

Il-Ġurnal Uffiċjali tal-Unjoni Ewropea

C 379/6

Sentenza tal-Qorti tal-Ġustizzja (Awla Manja) tas-16 ta’ Ottubru 2012 — Il-Kummissjoni Ewropea vs Ir-Repubblika tal-Awstrija

(Kawża C-614/10) (1)

(Nuqqas ta’ Stat li jwettaq obbligu - Direttiva 95/46/KE - Trattament tad-data personali u moviment liberu ta’ din id-data - Protezzjoni tal-persuni fiżiċi - Artikolu 28(1) - Awtorità nazzjonali ta’ superviżjoni - Indipendenza - Awtorità ta’ superviżjoni u Kanċellerija Federali - Rabtiet personali u organizzazzjonali)

2012/C 379/09

Lingwa tal-kawża: il-Ġermaniż

Partijiet

Rikorrenti: Il-Kummissjoni Ewropea (rappreżentanti: B. Martenczuk u B.-R. Killmann, aġenti)

Intervenjent insostenn tar-rikorrenti: Il-Kontrollur Ewropew għall-Protezzjoni tad-Data (KEPD) (rappreżentanti: H. Kranenborg, I. Chatelier u H. Hijmans, aġenti)

Konvenuta: Ir-Repubblika tal-Awstrija (rappreżentant: G. Hesse, aġent)

Intervenjenti insostenn tal-konvenuta: Ir-Repubblika Federali tal-Ġermanja (rappreżentanti: T. Henze u J. Möller, aġenti)

Suġġett

Nuqqas ta’ Stat li jwettaq obbligu — Ksur tat-tieni subparagrafu tal-Artikolu 28(1) tad-Direttiva 95/46/KE tal-Parlament Ewropew u tal-Kunsill, tal-24 ta’ Ottubru 1995, dwar il-protezzjoni ta’ individwi (persuni fiżiċi) fir-rigward tal-ipproċessar ta’ data personali u dwar il-moviment liberu ta’ dik id-data (ĠU Edizzjoni Speċjali bil-Malti Kapitolu 13, Vol. 15, p. 355) — Obbligu tal-Istati Membri li jiżguraw li l-awtoritajiet nazzjonali ta’ superviżjoni responsabbli mis-sorveljanza tat-trattament tad-data personali jeżerċitaw il-funzjonijiet tagħhom b’indipendenza sħiħa — Konnessjonijiet mill-qrib personali u organizzazzjonali bejn l-Awtorità ta’ superviżjoni u l-Kanċellerija Federali (Bundeskanzleramt) — Issuġġettar tal-Awtorità ta’ superviżjoni għas-sorveljanza tal-Kanċillier Federali

Dispożittiv

(1)

Billi ma ħaditx il-miżuri kollha meħtieġa sabiex il-leġiżlazzjoni fis-seħħ fl-Awstrija tissodisfa l-kriterju ta’ indipendenza fir-rigward tad-Datenschutzkommission (il-Kummissjoni ta’ Protezzjoni tad-Data), b’mod partikolari, billi twaqqaf qafas regolamentari li permezz tiegħu

—

l-membru amministratur tad-Datenschutzkommission huwa uffiċjal federali suġġett għal-supervizjoni,

—

l-uffiċċju tad-Datenschutzkommission huwa integrat mad-dipartimenti tal-Kanċellerija Federali, u

—

l-Kanċillier Federali jiddisponi minn dritt, mingħajr l-ebda kundizzjoni, għall-informazzjoni fuq l-aspetti kollha tat-tmexxija tad-Datenschutzkommission

ir-Repubblika tal-Awstrija naqset mill-obbligi tagħha skont it-tieni subparagrafu tal-Artikolu 28(1) tad-Direttiva 95/46/KE tal-Parlament Ewropew u tal-Kunsill, tal-24 ta’ Ottubru 1995, dwar il-protezzjoni ta’ individwi (persuni fiżiċi) fir-rigward tal-ipproċessar ta’ data personali u dwar il-moviment liberu ta’ dik id-data.

(2)

Ir-Repubblika tal-Awstrija hija kkundannata għall-ispejjeż tal-Kummissjoni Ewropea.

(3)

Ir-Repubblika Federali tal-Ġermanja u l-Kontrollur Ewropew għall-Protezzjoni tad-Data għandhom ibatu l-ispejjeż proprji tagħhom.

(1)  ĠU C 72, 5.3.2011.