30.1.2010 |
MT |
Il-Ġurnal Uffiċjali tal-Unjoni Ewropea |
C 24/80 |
Rikors ippreżentat fit-23 ta’ Ottubru 2009 — Z vs Il-Qorti tal-Ġustizzja
(Kawża F-88/09)
2010/C 24/154
Lingwa tal-kawża: Il-Franċiż
Partijiet
Rikorrent: Z (Lussemburgu, Lussemburgu) (rappreżentanti: L. Levi u M. Vandenbussche, avukati)
Konvenuta: Il-Qorti tal-Ġustizzja tal-Komunitajiet Ewropej
Suġġett u deskrizzjoni tal-kawża
Minn naħa, l-annullament tad-deċiżjoni li r-rikorrent jiġi ttrasferit fl-interess tas-servizz lejn direzzjoni oħra, u, min-naħa l-oħra, il-kundanna tal-konvenuta għall-ħlas ta’ somma bħala kumpens għal dannu morali.
Talbiet tar-rikorrent
— |
tannulla d-deċiżjoni tal-Awtorità tal-Ħatra tat-18 ta’ Diċembru 2008 li tittrasferixxi lir-rikorrent għad-direttorat tal-librerija b’effett mill-1 ta’ Jannar 2009; |
— |
sa fejn huwa neċessarju, tannulla d-deċizjoni tad-9 ta’ Lulju 2009, riċevuta fit-13 ta’ Lulju 2009 ta’ ċaħda tal-ilment; |
— |
tikkundanna lill-konvenuta għall-ħlas ta’ somma ta’ EUR 50 000 bħala kumpens għal dannu morali; |
— |
tikkundanna lill-Qorti tal-Ġustizzja tal-Komunitajiet Ewropej għall-ispejjeż. |