|
12.9.2009 |
MT |
Il-Ġurnal Uffiċjali tal-Unjoni Ewropea |
C 220/20 |
Talba għal deċiżjoni preliminari mressqa mill-Augstākās tiesas Senāts (Ir-Repubblika tal-Latvja) fil-25 ta’ Ġunju 2009 — Dita Danosa vs SIA LKB Līzings
(Kawża C-232/09)
2009/C 220/37
Lingwa tal-kawża: Il-Latvjan
Qorti tar-rinviju
Augstākās tiesas Senāts (Ir-Repubblika tal-Latvja)
Partijiet fil-kawża prinċipali
Rikorrenti: Dita Danosa
Konvenuta: SIA LKB Līzings
Domandi preliminari
|
1) |
Membru ta’ bord li jmexxi kumpannija ta’ kapital għandu jitqies bħala ħaddiem skont id-dritt Komunitarju? |
|
2) |
Il-fatt li l-Artikolu 224(4) tal-Kodiċi tal-Kummerċ Latvjan jippermetti t-tneħħija ta’ membru tal-bord tad-diretturi ta’ kumpannija ta’ kapital mingħajr ebda restrizzjoni, u b’mod partikolari mingħajr ma tittieħed inkunsiderazzjoni t-tqala ta’ tali membru, huwa inkompatibbli mal-Artikolu 10 tad-Direttiva 92/85/KEE (1) u mal-ġurisprudenza tal-Qorti tal-Ġustizzja? |
(1) Direttiva tal-Kunsill 92/85/KEE, tad-19 ta’ Ottubru 1992, dwar l-introduzzjoni ta’ mizuri biex jinkoraġġixxu t-titjib fis-saħħa u s-sigurtà fuq il-post tax-xogħol għall-ħaddiema nisa tqal u ħaddiema li welldu reċentement, jew li qed ireddgħu (l-għaxar Direttiva partikolari fis-sens tal-Artikolu 16(1) tad-Direttiva 89/391/KEE), ĠU L 348, p. 1